LUKAS 9:41 - Sura' Madatu

⁴¹ Mebalimi Yesu, Nakua: E, bati’ to tang ma’patongan sia to leko’ penaanna, sangapa pole’Pa’ la ussisolangkomi sia la umpama’tanangkomi penaa? Baai tu anakmu mai.

LUKAS 9:41 Referans Kwoze

PA’TOLE 32:5

Napogau’mo tau iato mai tu kabulitukan unnea Puang, tu tangia anakNa, sangadinna misa’ kamatunan, to tama bilanganna to leko’ sia to kelok penaanna.

YOHANES 20:27

Namane ma’kada lako Tomas, Nakua: Patadomi mai tu rakka’mu, tiromi tu limangKu, sia patadomi mai tu limammu muului tama tu la’pekKu, da mutang ma’patongan, sangadinna katappa’i.

YOHANES 14:9

Nakuami Yesu ungkuanni: E Filipus, samamo masainna Kunii ussisolangkomi, natae’ bangsiaraka mutandaiNa’? Minda-minda tu ungkitaMo’, ungkitamo Ambe’. Ma’apai ammu kua: Pakitangkan tu Ambe’?

MARKUS 9:19

Mebalimi Yesu lako tinde tau, Nakua: E bati’ to tang ma’patongan! sangapaPa’ la ussisolangkomi? sia sangapaPa’ la umpama’tanangkomi penaa? Solanni mai!

MATIUS 17:17

Mebalimi tu Yesu Nakua: E bati’ to tang ma’patongan sia to leko’ penaanna, sangapaPa’ la ussisolangkomi? Sia sangapaPa’ la umpama’tanangkomi penaa? Solanni mai.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

IBRANI 4:2

Belanna dipa’peissanan dukamo lako kaleta tu Kareba kaparannuan, susi bangsia lako tu mai tau iato, apa iatu kada narangi tae’ bua’na lako kalena, belanna tae’ nasiindo’ kapatonganan lan penaanna tu to urrangii.

IBRANI 3:19

Iamoto payan lako kaleta kumua tae’ nama’din tau iato tama, belanna tae’ nama’patongan.

ROMA 2:4

Ba’tu tae’raka muangga’i tu kamasokanan tang dilambi’Na sia kama’tananNa sia pesuka’ kalandoNa sia tae’ muissanni, kumua iatu kamasokananNa Puang Matua urrendenko lako katobaran?

PENGGAURANNA RASULU’ 13:18

Agi-agi patangpulo taunna Nanii umpama’tananni penaa tu pasiruanna tu tau dio padang pangallaran.

PENGGAURANNA RASULU’ 2:40

Budapa tu kada senga’ nanii untonganni sia umpakilalai tu tau nakua: Pa’benganni tu kalemi dikarimmanni dio mai te to leko’ penaanna.

LUKAS 8:25

Nakuami lako: Umbara nanii tu kapatonganammi? Mangngami tinde tau sia mataku’ nakuami sipa’kada-kada: Mindaraka Ia te, anNa ussua angin sia uai, naturu’ tonganNi.

MATIUS 16:4

Misa’ bangsa kadake sia pasandak salu lako rampanan kapa’ la morai bang ungkita tanda kakuasan, anna tae’ nala diben tanda, sangadinna tanda kalle-kallean diona nabi Yunus. Natampemi tu tau iato, Namale.

MATIUS 12:39

Apa mebali sia Nakua ungkuanni tinde tau: Misa’ bangsa kadake sia pasandak salu lako rampanan kapa’ la morai bang ungkita tanda kakuasan: apa tae’ nala diben tanda, sangadinna tanda kalle-kallean diona nabi Yunus.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

YEREMIA 4:14

Seroi tu penaaammu, e Yerusalem, ammu makarimman; sangapapara tu tangnga’ sala tonang lan penaammu?

PA’PUDIAN 78:8

Sia da nasusi nene’ to dolona tu tau iato mai, iamotu misa’ osso’ matoro sia battuk, iamotu misa’ osso’ tang ma’to’ tu penaanna, sia tae’ anna la’ka’ lako Puang Matua tu penaanna.

2 DATU 5:8

Iatonna rangii Elisa, taunNa Puang Matua, tu diona datu to Israel usse’bu-se’bu pakeanna, nasuami tu pesua lako datu, nakua: Ma’apai ammi se’bu-se’bui tu tamangkalemi? Melo ke saei lako kaleku tu tau iato, anna issanni, kumua den nabi dio lu to Israel.

KADIBILANGAN 14:27

Sangapapara masainna te kasirampunan kadake iate la umparopo’Na’? Iatu mintu’ pa’paropo’na to Israel lako Kaleku, Kurangi nasang.

KADIBILANGAN 14:11

Ma’kadami tu PUANG lako Musa, Nakua: Sangapapara te bangsa iate la ussayuNa’ sia sangapapara te tau iato mai tang la umpatonganNa’, moi angKu pogau’mi tu mintu’ tanda kalle-kallean dio lu tau iato mai?

KATASSURAN 16:28

Attu iato ma’kadami PUANG lako Musa, Nakua: Sangapapakomi mengkailing la ungkaritutui tu mintu’ pepasanKu sia Sukaran alukKu?

KATASSURAN 10:3

Malemi tu Musa sola Harun umpennoloi Firaun, anna kuai lako: Nakua kadanNa PUANG, tu Kapenombanna to Ibrani: Sangapapoko manoka la tunduk dio oloKu? Eloranni tu taungKu male anna menomba lako Kaleku!

MARKUS 10:49

Tadangmi tu Yesu sia Nakua: Tambai. Natambaimi tau tinde to buta, nakua lako: Parapa’i tu penaammu; ke’de’moko, Natambaimoko.

MARKUS 10:14

Tonna tiroi Yesu tu iannato, re’dekmi ara’Na sia Nakua lako tau iato mai: Popa’elo’nai tu pia’-pia’ sae lako Kaleku, da migagai, belanna iamotu to susite tu unnampui ParentaNa Puang Matua.

MATIUS 23:36

Tonganna tongan Kukua mati’, kumua iate mintu’na te la narampoi te bangsa iate.

MATIUS 12:45

Undinna lao pole’ omi untambai deata senga’ pitu nasisolan, tu masussukna pissan na ia, natama namembanua lan; dadi ma’katampakanna ondong pissanmi masua-suanna tu to natamai na iatonna dolona. Ten dukamoto la dadi lako te bangsa kadake.

MATIUS 11:28

Malekomi mai, e kamu mintu’ boyo’na sia dipapassanni magasanna, Akumote tu la umbenkomi kapelayoan.

LUKAS 9:40

Kupalakumo lako anak gurumMi, Puang, la urrambai sun, apa tae’ nakullei.

LUKAS 9:42

Iatonna la saemo napandasami deata masussuk napopa’lisu sarongi. Apa Nasarabai Yesu tu deata masussuk, Napamalekei tu pia, Namane umbenni ambe’na sule.