LUKAS 9:33 - Sura' Madatu

³³ Iatonna soro’mo tu tau da’dua dio mai Kalena, nakuami Petrus lako Yesu: O, Guru! melo ke indemiki’ te! kigaragamora lantang tallu, misa’ Kamu, misa’ Musa, misa’ Elia. Apa tae’ bang naissanni tu apa napokada.

LUKAS 9:33 Referans Kwoze

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

YOHANES 14:8

Nakuami Filipus lako: O Puang, pakitangkan tu Ambe’, podo ke ia dukato.

LUKAS 5:5

Nakuami Simon mebali: O Puang, sangmai’ situ’turangkan bongi mara’ takkanni, tae’ bang kiala misa’, apa belanna Kamu kumua, dadi la kiparokko bang tu dalla’.

MARKUS 10:38

Apa Nakua Yesu lako: Tae’ mitandai tu apa mipalaku. Ma’dinrokomika la unniru’i tu Kuiru’na lan mai irusan? Ba’tu ma’dinraka didiorangkomi tu pa’dioran la didioranNa?

MATIUS 17:14

Iatonna rampomo lako to’ to buda, saemi tu tau misa’,

PA’PUDIAN 73:28

Apa iatu akunna melo aku tu mase’pon lako Puang Matua, iatu Puangku PUANG kupoperinding pala’, dikua angku pa’peissananni tu mintu’ penggauramMi.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

MATIUS 17:4

Ma’kadami Petrus lako Yesu, nakua: O Puang, melo ke indemoki’ te; iake Miporai, kugaragamora lantang tallu indete, misa’ Kamu, na misa’ Musa na misa’ Elia.

LUKAS 9:34

Iatonna ma’kada susito, saemi sangleon gaun unnonganni; mataku’mi tonna male tama gaun.

LUKAS 9:49

Mebalimi Yohanes lako, nakua: O Guru! Untirokan tau misa’ urrambai deata masussuk tete dio sangamMi, angki gagai, belanna tae’ kisisola undi urrundu’Komi.