LUKAS 9:19 - Sura' Madatu

¹⁹ Mebalimi nakua: Yohanes Pa’dio’, sia den tu kumua: Elia; den pole’o tu kumua: ba’tu umbannamo misa’ tu nabi tonna to dolo tuo sule namalimbangun dio mai to’ to mate.

LUKAS 9:19 Referans Kwoze

YOHANES 1:21

Mekutanami tinde tau lako kumua: Iake susito, mindakomi kamu? Kamumoraka Elia? Nakuami: Tae’. Kamumoraka tu nabi? Nakuami mebali: Tae’.

MARKUS 6:15

Den tau kumua: Elia iate; den pole’o tu kumua: Iamo misa’ nabi te tu susi ba’tu umbanna misa’ tu mintu’ nabi.

MATIUS 14:2

Nakuami tu datu lako solana: Yohanes Pa’dio’mo tu; malimbangunmo diong mai to’ to mate, iamoto nakedo tu mintu’ kamatotoran lan kalena umpogau’ tanda mangnga.

MALEAKHI 4:5

Tonganna la Kusua lako kalemi tu nabi Elia, ke tae’pi nasae tu allo tarompo’ metakuranNa PUANG.

YOHANES 9:17

Iamoto anna mekutana lako tinde to buta nakua: Tumbara duka kadammu tu Tau iato, apa mangkamo umpamillik matammu? Nakuami mebali: Inang nabi Ia.

YOHANES 7:40

Iatonna rangii ba’tu pira-pirai te to buda te kada iate, nakuami: Manassa Iamote Tau iate tu nabi.

YOHANES 1:25

Mekutanami lako sia nakua ungkuanni: Iake tangiakomi Mesias, sia tangia Elia sia tangia tu nabi, ma’apai ammi dio’ tau?

MATIUS 3:1

Iatonna attu iato saemi tu Yohanes Pa’dio’ mangada’i dio padang pangallaran Yudea,

MARKUS 6:14

Napelelemi datu Herodes tu diona Yesu, belanna kaleleammo sanganNa, nakua tu tau: Malimbangunmo tu Yohanes Pa’dio’ diong mai to’ to mate, iamoto nakedo tu mintu’ kamatotoran lan Kalena.

LUKAS 9:18

Den pissan tonna torro misa tu Yesu massambayang sia anak gurunNa dio duka sola, Nakutanaimi tu anak gurunNa. Nakua: NasangaRa’ minda to buda?

LUKAS 9:20

Nakuami Yesu lako: Apa iake kamu misangaRa’ minda? Mebalimi Petrus nakua: Mesias lu dio mai Puang Matua.