LUKAS 9:11 - Sura' Madatu

¹¹ Iatonna issanmi to buda, sangundiammi urrundu’I. Natarimai Yesu sia Nauleleanan lako tu diona ParentaNa Puang Matua sia Napamaleke tu sipatunna siamo dipamaleke.

LUKAS 9:11 Referans Kwoze

IBRANI 4:16

Iamoto tapabatta’i tu penaanta urreke’ isungan pa’kamaseanNa Puang Matua anta appa’ kamamasean sia ungkabu’tui kamaturu-turuan la patunduan ke attunnai.

2 TIMOTIUS 4:2

Palolangi tu kada iato, matoto’ko umparampoi, la iake nakamorai la iake nakanokai tau, pakanassanni tu salana tau, ta’tanni, pakilalai situru’ kama’tanan penaa sia situru’ pangadaran.

ROMA 15:3

Belanna Kristus duka tae’ Napatongan misa pa’poraianNa, sangadinna susitu disura’, nakua: Iatu pabe’sena tau, tu umbe’seKomi, narampoiMo’.

ROMA 10:14

Naumbamo la nakua metamba lako Kalena tu to tang umpatonganni? sia umba nakua umpatonganni tu tang naranginnapa? sia umba la nakua urrangii, ke tae’i tau umpa’peissananni?

PENGGAURANNA RASULU’ 28:31

sia batta’ umpa’peissanan ParentaNa Puang Matua sia umpa’pangadaran mintu’ tu diona Puang Yesu Kristus, tae’ nadigagai len.

YOHANES 6:37

Mintu’na tu Napa’kamasean Ambe’Ku lako Kaleku, ia dukamo la sae lako Kaleku, sia iatu to sae lako Kaleku, tae’ angKu tumpu lenni.

YOHANES 4:34

Nakuami Yesu ungkuanni: Iatu kandeKu, iamotu umpogau’ pa’poraianNa To ussuaNa’, sia ussundunni pengkaranganNa.

LUKAS 9:2

Nasuami umpatale’ ParentaNa Puang Matua sia umpamaleke to masaki;

LUKAS 8:10

Nakuami Yesu: Iatu kamu dibenkomi pa’kamasean, unnissanni tu rasia diona ParentaNa Puang Matua, apa iatu tau senga’ diben pa’pasusian, anna tang paan, ke natiroi sia tae’ naissanni, ke narangii.

LUKAS 8:1

Undinnao to malemi tu Yesu ma’lele-lele lan lu mintu’ tondok kapua sia tondok bitti’, mangada’i sia umpalele Kareba-kaparannuan tu diona ParentaNa Puang Matua; na iatu anak gurunNa sangpulo dua male duka sola.

LUKAS 5:31

Mebalimi Yesu, Nakua: Tae’ naanga’i to maleke tu to ma’dampi, sangadinna to masakiri.

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

MATIUS 21:43

Iamoto Kukua mati’, kumua iatu ParentaNa Puang Matua la diala dio mai kalemi, anna disorong lako bangsa la umpabu’tui tu buanna.

MATIUS 21:31

Mindannara tinde pia sola duai tu umpogau’ pa’poraianna ambe’na? Nakuami tinde tau: Iamo ia tu undinna. Nakuami Yesu lako tinde tau: Tonganna tongan Kukua mati’, kumua moi passima sia baine sala’kedo nadoloi dukakomi tama ParentaNa Puang Matua.

MATIUS 14:14

Rampomi tu Yesu, Nakitai tu tau lendu’ budanna; mamassengmi lako tau iato mai, Napamalekei tu mai mintu’na masakinna.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

ROMA 10:17

Na susito, manassamo kumua iatu kapatonganan bannang dio kareba mangka dirangi, na iatu kareba mangka dirangi tete dio kadanNa Kristus.

MATIUS 12:15

Apa iatonna issanmi Yesu tu iannato, malemi inde to dio mai; budami tau undi urrundu’I anNa pamaleke nasangi,

LUKAS 9:10

Iatonna sule nasangmo tu rasulu’, nauleleammi lako Yesu tu mintu’na mangkanna napogau’ sola nasangi. Nasarakki misami Yesu tu rasulu’, Nasolanni lako tondok disanga Betsaida.

LUKAS 9:12

La lambunmo allo, nasangsaean tu anak gurunNa sangpulo dua umpellambi’i, nakua lako: Umbai melo ke Mikuammi tu to buda namale, anna loo tama tondok, sia dio lu to’ banua salian tiku lao undaka’ inan sia kande, belanna iate kita te indeki’ mai to’ kasalanna.