LUKAS 8:7 - Sura' Madatu

⁷ Den duka pira ta’pa tama tangnga to’ duri; napada tuo duri, nataloi tu banne.

LUKAS 8:7 Referans Kwoze

YEREMIA 4:3

Belanna susite tu kadanNa PUANG lako mintu’ to Yehuda sia to Yerusalem, Nakua: Bungka’komi pa’lak ba’ru, da mimangambo’ lan lu to’ duri.

LUKAS 8:14

Na iatu rondonna tama to’ tangnga duri, iamotu tau umperangii na samasai-sainna sanatalo-taloinna kamasarasan na kasugiran na kaparannuan lan te lino, dadi tae’ namembua tongan.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

MARKUS 4:7

Den duka pira ta’pa tama tangnga to’ duri, napada tuo duri nataloi tu banne, naurunganni tang membua.

MATIUS 13:22

Na iatu tiambo’na tama tangnga to’ duri, iamotu to urrangii tu kada iato, apa nataloi sara’ lan te lino sola pea’panna kasugiran tu kada iato, naurunganni tang membua.

MATIUS 13:7

Den duka pira tu ta’pa tama tangnga to’ duri, napada tuo duri nataloi tu banne.

KADADIAN 3:18

La napatuoangko duri sola a’da’, na iatu kandemu iamotu utan tuo dio lu padang.

LUKAS 8:6

sia den pira ta’pa rokko to’ batu, natuo, apa malayu, belanna tae’ namasakka’.

LUKAS 8:8

Sia den pira tu ta’pa rokko to’ padang lunak; iatu iannato tuo melo namembua manglokkon pessaratu’. Iatonna pokadai te, metambami tu Yesu nakua: Minda-minda tu ketalinga la ma’perangi, nama’perangi!