LUKAS 8:2 - Sura' Madatu

² Sia ba’tu pira-pira baine, tu malekenamo dio mai kanatabanna deata masussuk sia ma’rupa-rupa sakinna, iamotu Maria disanga Magdalena, pitumo deata masussuk soro’ dio mai kalena, sia

LUKAS 8:2 Referans Kwoze

MARKUS 16:9

Iatonna malimbangunmo tu Yesu tae’pa bongi tonna allo bunga’na lan minggu iato, bunga’na umpa’pekitanammi Kalena lako Maria Magdalena, tu mangkamo Nanii urrambai deata masussuk pitu lan mai kalena.

YOHANES 19:25

Iatu indo’Na bendan sikandappi’ kayu pea’ta’na Yesu sola sangbainena, Maria bainena Klopas, na Maria Magdalena.

PENGGAURANNA RASULU’ 1:14

Iatinde tau sola nasang tontong sanginaa massambayang sola ba’tu pira-pira baine sia Maria indo’Na Yesu, sola tu mai siulu’Na muane.

LUKAS 23:55

Iatu mintu’na baine, tu Nasolanna sae dio mai Galilea, sangundian urrundu’i sia untiroi tu liang, sia kumua ba’tumba dikua umpatamai tu batang rabukNa.

LUKAS 23:49

Iatu mintu’na to Nasitandan sia iatu baine undi unturu’I dio mai Galilea bendan mambela-bela bang untiroi tu iannato.

LUKAS 23:27

Nabuda tongan tau undi urrundu’I sia den ba’tu pira-pira baine ussa’pa-sa’pa ara’na sia untangi’i.

LUKAS 8:30

Nakutanaimi Yesu Nakua: Minda sangammu? Nakua: Legiun, belanna buda tonganmo deata untamai.

MARKUS 16:1

Iatonna lendu’mo tu allo katorroan unnallimi pebangki’ tu Maria Magdalena sia Maria indo’na Yakobus na Salome, kumua naloo umbangki’I.

MATIUS 4:24

Tiseno-senomi karebanNa dio mintu’ lili’na tana Siria; nabaami tau lako Kalena tu mintu’ to mandalan sakinna, tu narua ma’rupa-rupa saki sia pa’di’, tu mai to natamai deata bulituk sia to ta’taran sia to kupi’; anNa pamalekei.