LUKAS 8:11 - Sura' Madatu

¹¹ Na iatu pa’pasusian inde sia tu battuananna: Iatu banne iamo kadanNa Puang Matua.

LUKAS 8:11 Referans Kwoze

MATIUS 13:19

Iatu mintu’nato urrangii tu diona Parenta Suruga iato, natae’ napemanassai, saemi to bulituk unnalai tu apa diambo’ tama penaanna; iamoto tu tiambo’na dio biring lalan.

YAKOBUS 1:21

Iamoto la mitibe tu mintu’ kamaruttakan sia kakadakean manglianmo, ammi tarimai tu kada titananmo lan penaammi naturu’ sorong inaa, tu kuasa umpamakarimman deatammi.

YESAYA 8:20

Lako (manna) pepasan sia kada dipaombo’! Minda-minda tu ma’kada tang sipatu kada iato, tae’ anna la sitiro arrang melambi’.

MATIUS 13:18

Dadi perangiimi kamu battuanna tu pa’pasusian to unnambo’banne!

MARKUS 4:13

Nakuami lako: Tae’raka miissanni battuananna te pa’pasusian iate, naumbara mikua unnissanni tu mintu’ pa’pasusian?

LUKAS 8:12

Na iatu diona biring lalan, iamoto umperangii, apa undinna saemi deata bulituk unnalai lan mai penaanna tu kada, kumua, natang umpatonganni sia tae’ nakabu’tui kasalamaran.