LUKAS 7:46 - Sura' Madatu

⁴⁶ Sia tae’ mipalangnganni minna’ tu ulungKu, apa iate baine sae rokko lette’Ku napalakoi duka minna’ pandere’.

LUKAS 7:46 Referans Kwoze

PA’PUDIAN 23:5

Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

TOMANGADA’ 9:8

La tontong bang masero tu pakeammu sia da nasalai minna’ busarungngu’ tu ulummu.

MATIUS 6:17

Apa iatu iko, iammu ma’puasa, boka’i tu ulummu sia dau’i tu lindomu,

DANIEL 10:3

Tae’ angku kande len kande mammi’ sia tae’ natamai duku’ sia uai anggoro’ tu sadangku, sia tae’ kuma’minna’ busarungngu’ sae lako malebu tallung minggu.

PA’PUDIAN 104:15

Sia uai anggoro’ tu umpasende tolino, sia minnak tu umpatibangka’ rupanna, sia bo’bo’ tu umpamalapu’ penaanna tolino.

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

RUT 3:3

Iamoto mendio’moko, ammu minna’i pandere’ tu kalemu sia ma’pakeammoko, ammu male rokko to’ panglulluran. Apa da naissan lenko Boaz, ke tae’pi napura kumande sia mangiru’.

MIKHA 6:15

La mangambo’ko apa tae’ mula ma’ke’te’, la ullullu’ko bua saitun, apa tae’ mula umpa’minnakanni kalemu, sia la ullullu’ko bua anggoro’ ba’ru, apa tae’ mula unniru’ uai anggoro’.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

2 SAMUEL 12:20

Millikmi tu Daud diong mai padang, anna mendio’ sia umpake minna’ busarungngu’ sia ussondai pakeanna; mangkato tamami banuanNa PUANG anna menomba; namane sule lako tongkonan layukna, namesua umpasakkaranni kande, anna kumande.

LUKAS 7:47

Iamoto Kukua mati’: Mintu’na sala-budanna dipa’dei nasangmo, belanna umpa’pekitanan buda kamamasean, apa minda-minda sidi’ri kadipa’deianna kasalanna, sidi’ dukari kamamasean napa’pekitanan.