LUKAS 7:42 - Sura' Madatu

⁴² Belanna tae’ bang apa dio la napamayaran, napamasero bangmi sola duai. Totemo pokadanNa’: Umbannara tu tau sola duai, tu la mandu mamali’ lako kalena?

LUKAS 7:42 Referans Kwoze

KOLOSE 3:13

sipama’tanan penaa sia sipagarri’komi, to ke denkomi madiong ba’teng lako solami. Susi Puang umpa’dei kasalammi, la susi dukakomi to.

EFESUS 4:32

Sangadinna pantan sikasokanangkomi sia siala mase, sia sipagarri’komi, susi Puang Matua umpa’dei tu kasalammi tete dio Kristus.

EFESUS 1:7

Tu tapobannang ungkabu’tui kadila’bakan diona raraNa iamotu kadipa’deianna mintu’ kasalan, situru’ kakapuanna pa’kamaseanNa,

GALATIA 3:10

Belanna samami tu to umposande’ tuntunan Sukaran aluk, samami naluang tampak ropu, belanna den disura’ nakua: Tampak ropu lako tu mintu’ to tang batta’ ungkaritutui mintu’ tu disura’na lan sura’ Sukaran aluk.

ROMA 5:6

Belanna iatonta langga’pa sia tonna lambi’i allu’na, matemi tu Kristus belanna to tang mekaaluk.

ROMA 3:24

sia dikamasei bangri nadibilang malolo tete dio pa’kamaseanNa Puang Matua, belanna pangla’bakNa Kristus Yesu.

MATIUS 18:34

Sengkemi tu puangna, nasorongi lako sapiri la umpakario-rioi, sae lako nabaya’na nasang tu indanna.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YESAYA 43:25

Aku, Akumote tu umpa’dei mintu’ kakadakeammu belanna iamo pa’poraiangKu sia tae’mo Kupalanni penaa tu kasalammu.

PA’PUDIAN 103:3

Tu umpa’dei mintu’ salamu, sia umpamondo mintu’ sakimmu.

MATIUS 6:12

sia pa’dei tu sala budangki, susi kami umpagarri’ salana to kasalan lako kaleki.

MATIUS 18:27

Tilaomi massena tu puangna tinde tau, narampananni, sia iatu indanna napamasero bangmo.

LUKAS 7:43

Nakuami Simon mebali: Kusanga, ia siamo tu budanna indanna. Nakuami Yesu lako: Tonganna tu passangammi.

2 SAMUEL 14:13

Nakuami tu baine iato: Ma’apari mipalanri penaammi tu tangnga’ susite tu diona taunNa Puang Matua? Belanna iatommi mangkamo umpokadai te kada iate, puangku kalena tu butung to sala, belanna tae’ naeloranni puangku tu to ditibe sule sae.