LUKAS 7:27 - Sura' Madatu

²⁷ Iamora te, tu disura’ a’ganna, kumua: UssuaMo’ pesuangKu undoloangKomi, La umpasakkarangKomi lalanMi dio oloMi.

LUKAS 7:27 Referans Kwoze

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

LUKAS 1:76

Na iatu iko, e anakku, ikomo la disanga nabinNa Puang Patodoranna, belanna la doloko dio oloNa Puang umpasakkaranni lalanNa,

MARKUS 1:2

Susitu disura’ lan sura’na nabi Yesaya, nakua: Tiromi, ussuaNa’ pesuangKu undoloangKo, tu la umpasakka’ lalanMu.

YOHANES 1:23

Nakuami: Akumote tu gamaranna to metamba-tamba dio padang pangallaran kumua: Ranteimi tu batattaNa Puang, susitu mangka napokada nabi Yesaya.

MATIUS 11:10

Belanna iamora te, tu disura’ a’ganna kumua: Tiromi ussuaNa’ pesuangKu undoloangKo, tu la umpasakka’ lalan dio oloMu.

YESAYA 40:3

Perangii, den gamaranna tau metamba-tamba, nakua: Pasakka’mi tu lalanNa PUANG lanlu padang pangallaran, ranteanni batatta dio padang talo tu Kapenombanta.

LUKAS 7:26

Naapara pale’ tu mangka loo mitiro? Misa’raka nabi? Tonganna Kukua lako kalemi, ondong ia na misa’ nabi.

LUKAS 7:28

Kukua lako Kalemi: iatu mintu’na tau dadi dio mai baine tae’ bangpa misa’ duka tu mandu madaoan anna Yohanes Pa’dio’ apa iatu bitti’na lan ParentaNa Puang Matua, iamotu mandu madaoan na ia.