LUKAS 6:30 - Sura' Madatu

³⁰ Benni minda-minda malaku lako kalemu, sia iatu tau unnala apa-apammu, da mupalakui sule.

LUKAS 6:30 Referans Kwoze

2 KORINTUS 8:9

Belanna miissan tu pa’kamaseanNa Puangta Yesu (Kristus) kumua iatu Ia, moi anNa sugi’, apa mendadi kalala’ tu belanna kamu, kumua anna kamu umposugi’i tu kakalalaranNa.

PENGGAURANNA RASULU’ 20:35

Mintu’na kunii nasangmo umpakitangkomi sangka’ umba la mikua umposara’i untundui tu mai to langga’, sia umpalan ara’ kadanNa Yesu, tu Ia kalena umpokadai Nakua: Ondong ia dipomaupa’ tu mamengan na iatu diben.

MATIUS 6:12

sia pa’dei tu sala budangki, susi kami umpagarri’ salana to kasalan lako kaleki.

LUKAS 18:22

Iatonna rangimi Yesu to, Nakuami: Misa’pa tu musala. Balukampi tu mintu’na apa-apammu, ammu taa-taai lako to mase-mase, ammu ampui ianan lan suruga, mumane male mai undi urrundu’Na’.

SARAMBU PEADA’ 21:26

Iatu kamailuan mailu bang situ’turan allo, apa iatu to malambu’ mamengan bang sia tang ungkasayangi apanna.

PA’PUDIAN 41:1

Lu lakona pangala sengo. Pa’pudianna Daud.

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

LUKAS 12:33

Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 6:38

Benni, manassa la diben dukakomi. Misa’ sukaran melo tongan ditemme’ rokko nadirodo sama’toppo’na, la diparokko riammi, belanna iatu sukaran mipassukaran tau, ia duka la dipassukarangkomi!

MATIUS 18:35

Ten dukamoto tu Ambe’Ku dao suruga la umpogau’i lako kalemi, ke tae’i naponno tongan penaammi pada umpagarri’ salana tu mai siulu’mi.

TOMANGADA’ 8:16

Iatongku palan penaami la untandai kakinaan sia la untiroi tu mintu’ sara’, tu dadi dao kuli’na padang, anna tae’ natandai kamammaran tu tolino keallo sia kebongi –,

SARAMBU PEADA’ 22:9

Iatu to masokan pentirona, la dipamasakke, belanna umpa’kamasean kandena lako to kalala’.

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

EFESUS 4:28

Iatu to bokoan, da’mo naboko, sangadinna melo ke masara’i umpatangmari’pi limanna ungkarangi tu pengkarangan tang dipa’gagainna, anna den apa nabenni tu to tae’.

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

MATIUS 5:39

apa Aku Kukua mati’: Da’ mipasuleanni tu to kadake, sangadinna minda-minda ussala’pa popo kananmu, patadoanni lako tu sangbalinnapa.

LUKAS 6:29

Sia iatu tau ussala’pa popomu, patadoan pissanni tu sangbalinna sia iatu tau unnalaiko sambu’mu, da duka mugagai unnalai tu bayummu.

LUKAS 6:31

Susitu miporainna la napogau’ tau lako kalemi, susi dukato la mipogau’ lako.