LUKAS 6:24 - Sura' Madatu

²⁴ Apa upu’ allomi, e to sugi’, belanna mialamo tu kamanamanammi.

LUKAS 6:24 Referans Kwoze

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

MATIUS 6:2

Iamoto, iammu bengan pa’kamasean, da mupa’petendenganni tu iannato dio tingayomu, susitu napogau’ to belo puduk lan banua pa’kombongan sia dio lu lalan, kumua anna tendengi tau. Tonganna tongan Kukua mati’, inang naala dolomo tu poleanna.

YAKOBUS 2:6

Apa kamu te mangkamokomi unne’sek to bongko. Tang to sugi’raka umpakario-riokomi sia urrendenkomi lako olona to mangra’ta’ kara-kara?

SARAMBU PEADA’ 1:32

Belanna katorokossikanna tu to tang paissan la umpatei, sia katangmatangkinanna tobaga la ussanggangi.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

HAGAI 2:9

Aku puangna tu mintu’ salaka sia Aku puangna tu mintu’ bulaan, kadanNa PUANGna mintu’ ma’dandan maritik.

LUKAS 6:25

Upu’ allomi, e to liu dia’, belanna la tangdia’komi. Upu’ allomi, e to metaa totemo, belanna la mekaindo’ lenkomi tumangi’.