LUKAS 6:21 - Sura' Madatu

²¹ Maupa’komi tu tangdia’na totemo, belanna la dipedia’ikomi. Maupa’komi tu tumangi’na totemo, belanna la metaakomi undinna.

LUKAS 6:21 Referans Kwoze

YOHANES 6:35

Nakuami Yesu lako tinde tau: Akumote tu roti katuoan. Minda-minda tu sae lako Kaleku, tae’mo nala tangdia’ len, sia minda-minda tu umpatonganNa’, tae’mo nala ma’rang len.

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

MATIUS 5:4

Maupa’ tu mintu’ to masussa, belanna tau iato la dipakatana.

KADA OMBO’ LAKO RASULU’ YOHANES 7:16

Tau iato mai tae’mo nala tangdia’ len ba’tu ma’rang sia tae’mo nala’da’i allo ba’tu apa malassu:

LUKAS 6:25

Upu’ allomi, e to liu dia’, belanna la tangdia’komi. Upu’ allomi, e to metaa totemo, belanna la mekaindo’ lenkomi tumangi’.

1 KORINTUS 4:11

Sae lako totemo te umperasaikan katangdiaran sia kama’rangan sia kataeran tamangkale sia dibamba sia tae’ inan kinii reso’,

YOHANES 4:10

Mebalimi Yesu Nakua ungkuanni: Iakemmu tandai tu pa’kamaseNa Puang Matua sia minda tu umpa’kadaiko, kumua: benNa’ uai Kuiru’i, tae’ mutang malakumo lako, sia mangkamoko Naben tu uai marendeng.

YEREMIA 31:9

Anna sae tu tau iato mai situang tangi’na, AngKu solanni natontong mengkamoya-moya; la Kusolan lako to’ salu’-salu’ dio lalan marante, tu tae’ nanii titodo lette’na. Belanna Aku napoambe’ Israel na Efraim iamo anak pa’bunga’Ku.

YESAYA 30:19

E bangsa Sion, tu torro dio Yerusalem, tae’mo mila tontong tumangi’, manassa Ia la ungkamaseikomi, ke Narangii tu peongli’mi, ianNa rangii manassa Napebaliikomi.

PA’PUDIAN 107:9

Belanna Napapayamo tu penaa ma’rangna, sia iatu penaa topona Napedia’imo kameloan.

PA’PUDIAN 17:15

Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

KADADIAN 21:6

Nakuami Sara: Napopetaana’ Puang Matua, naurunganni mintu’ tu to urrangii la kusolan metaa.

KADADIAN 17:17

Malinguntu’mi tu Abraham natukku rapa’ rokko padang nametaa, anna ma’kada lan penaanna nakua: Ma’dinraka tu to saratu’mo taunna undadian misa’ pia? Ma’dinraka tu Sara, tu kaseramo pulona taunna la kianakpa?

KADA OMBO’ LAKO RASULU’ YOHANES 21:3

Kurangimi misa’ gamara kapua dao mai isungan kapayungan iato ma’kada nakua: Kilalai kumua iatu tendaNa Puang Matua nanii sola tolino, sia la torro Ia sisola tau iato mai, na tau iato mai mendadi taunNa, na Puang Matua Kalena la urrondongi.

2 KORINTUS 12:10

Iamoto angku porai tu kalanggaran sia kadisussaian sia kamaparrisan sia kadipakario-rioan sia kasumpuan belanna Kristus. Belanna iake langga’na’, attu iamoto angku matoto’.

2 KORINTUS 11:27

Lan kamara’tasan sia kamasussan, pembudana’ maroya, lan katangdiaran sia kama’rangan, pembudana’ mangelo, naalana’ sangkang sia tang ma’tamangkale.

2 KORINTUS 6:10

butung to masussa, apa tontong parannu; susito kalala’, apa umpasugi’ buda tau; susito tang unnampui misa’ apa, apa unnampui mintu’na.

YOHANES 11:35

Tumangi’mi tu Yesu.

YEHEZKIEL 9:4

Ma’kadami tu PUANG lako kaleku Nakua: Ke’de’ko unnola tangngai tu kota iamotu unnola tangnga Yerusalem, ammu palakoi tanda tu kidena tu mintu’ to sumarro sia mekaindo’ diona tu mintu’ penggauran megallian tu dipogau’ inde to dio.

YEHEZKIEL 7:16

Moi anna denpa ba’tu pira-pira tilendok tu tau iato mai, manassa la susi bu’ku’ dao lu buntu, tu sae diong mai lombok; iatu tau iato mai sola nasangi pantan sumarro belanna kakadakeanna.

YEREMIA 31:25

belanna Kupamatana tu penaa bonnong sia Kupamalapu’ tongan tu mintu’ penaa puru’.

YEREMIA 13:17

Iake manokapokomi umperangiite, manassa la tumangi’ tu penaangku dio lu inan kabunianna diona kamatampoan, sia la si’dan-si’danna’ tumangi’, sia sitanutuan tu uai matangku, belanna dipali’mo tu pangkambi’Na PUANG.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

YESAYA 66:10

Parannu-rannukomi sola Yerusalem sia pokumalasii, e kamu mintu’ tu ungkamali’i. Posendei, e kamu mintu’ to umporosso inaai,

YESAYA 25:6

Anna dao buntu Nanii PUANGna mintu’ ma’dandan maritik umpadenanni pa’maruasan kande sanda mammi’na tu mintu’ bangsa, pa’maruasan uai anggoro’ mammi’: utak buku, kande mammi’, uai anggoro’ mammi, tu mangka dipanapi’.

PA’PUDIAN 143:6

Mempala’na’ mati’ Kalemi, sia mamali’ tu penaangku Mati’. Ten to padang ba’ta’ ungkamali’ uai. Sela

PA’PUDIAN 119:136

Iatu uai matangku lolong susi uai salossok, belanna tae’ tau umpengkaolai sukaran alukMi.

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

PA’PUDIAN 28:7

PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

LUKAS 6:20

Mentiromi lako anak gurunNa, Namane ma’kada kumua: Maupa’komi tu kalala’na, belanna umpoparentakomi ParentaNa Puang Matua.

LUKAS 6:22

Maupa’komi, ke nakabiri’komi tau, sia ke nasarakkikomi sia nasayukomi sia nakanoka tu sangammi butung napopepayu belanna Anak rampan dilino.