LUKAS 5:17 - Sura' Madatu

¹⁷ Dikua den sangallo mukkunmo mangada’i, naden ba’tu pira to Farisi unno’ko’ dio sia pandita Sukaran aluk, tu pantan sae dio mai mintu’ tondok Galilea sia Yudea, sia dio mai Yerusalem, sia kamatotoranNa Puang Matua dio ren, anNa matoto’ Yesu umpamalekei tu tau.

LUKAS 5:17 Referans Kwoze

LUKAS 6:19

undaka’ nasangmi lalan tu to buda la morai ussapui, belanna den sun lan mai Kalena tu kamatotoran Naumpamaleke mintu’ tau.

LUKAS 8:46

Nakuami Yesu: Den tau ungkaka’Na’, belanna Kusa’dingmo den tu kamatotoran sun lan mai Kaleku.

PENGGAURANNA RASULU’ 19:11

Napadenmi Puang Matua tu tanda mangnga makalaen-laen napaombo’ Paulus,

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

PENGGAURANNA RASULU’ 4:30

amMi unne’te’ lima kuasamMi la umpamaleke tau, anna dadi tu mai tanda mangnga sia tanda kalle-kallean tete dio sanganNa Yesu To masallo’Mi.

MARKUS 7:1

Sirampunmi lako tu to Farisi sia ba’tu pira-pira pandita Sura’ tu lu dio mai Yerusalem.

MARKUS 5:30

Ta’pa Nasa’dingmi Yesu lan Kalena tu kamatotoran iato sun lan mai, namessaile lan tangngana to buda, Nakua: Mindara ungkaka’ pakeangKu?

MATIUS 15:1

Tonna iato, saemi lako Yesu tu mai to Farisi sia pandita Sura’ dio mai Yerusalem sia nakua:

YOHANES 3:21

Apa iatu to umpogau’ malolona, lu lako maserona, anna payan kumua iatu penggauran napogau’ umpa’passarei Puang Matua.

LUKAS 2:46

Iatonna ma’tallung allomo, pakalan nakabu’tuI lan banuanNa Puang Matua unno’ko’ lan tangnga-tangngana mintu’ pandita, marassan umperangii kadanna sia mekutana-tana lako.

LUKAS 15:2

Sipa’nuku-nukuammi tu mintu’ pandita Sura’ sia to Farisi, nakua: Na iate Tau te untarima to kadake gau’na, sia kumande sola.

LUKAS 7:30

Apa iatu to Farisi sia pandita Sukaran aluk mangkamo natumpu tu Napondokanni Puang Matua, belanna noka nadio’,

LUKAS 5:30

Iatu to Farisi sia pandita Sura’ situmberu’-beru’, nakua lako anak gurunNa: Ma’apari ammi kumandera sia mangiru’ sola passima sia to kadake gau’na?

LUKAS 5:21

Mintu’na pandita Sura’ sia to Farisi naparandukmo ma’tangnga’-tangnga’ sia ma’kada kumua: To apara Ia te ma’kada solang bang? Minda pole’ tu la umpa’dei kasalan, sangadinna Puang Matua?

MARKUS 16:18

tau iato untoe ula’, na moi unniru’ apa-apa dipomatena, tae’ nala umpatumbai; la urremme’ to masaki, anna maleke tu tau iato.

MARKUS 3:22

Nakuami tu pandita Sura’ tu saemo dio mai Yerusalem: Narondong Beelzebul sia pa’tunduanna pangulunna deata masussuk anNa rambai tu mintu’ deata.

MARKUS 1:45

Apa sun tinde tau, naranduk umpatiseno-seno lu lako lu dioi mai tu karebanNa sia umpalelei tu iannato, naurunganni tae’mo nama’din tu Yesu umpa’pepayanan Kalena tama tondok sangadinna dio bang Ia salian dio lu to’ kasalanna. Nasae tu tau lako Kalena pantan tama bang sae.

YOHANES 3:10

Mebalimi Yesu lako Nakua: Kamu para’ tu gurunna to Israel, natae’ miissanni te iannate?

PENGGAURANNA RASULU’ 5:34

Apa ke’de’ misa’ to Farisi disanga Gamaliel lan tu kombongan, iamo misa’ pandita Sukaran aluk nakasiri’ mintu’ tau; napesuammi umbaai sattu’ lako salian tinde tau.