LUKAS 5:13 - Sura' Madatu

¹³ Nasoronganni Yesu lako tu limanNa, Nakaka’i, Nakua: Kuporai la malekemoko! Ta’pa mondo bangsiami tu golenna.

LUKAS 5:13 Referans Kwoze

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

YEHEZKIEL 36:29

La Kulendokangkomi dio mai mintu’ kamaruttakammi sia la Kutambai sae tu gandung, angKu popemba’ka’i sia tae’mo nala urrampoikomi karorian.

2 DATU 5:14

Iamoto malemi rokko sia unnukkun pempitu diong salu Yordan, susitu kadanna taunNa Puang Matua; mondomi sule tu kalena susito kalena misa’ pia mangura sia maseromo.

LUKAS 4:39

Bendanmi tu Yesu dio to’ ulunna, Nagagai tu lalla’na namallai lan mai kalena tu lalla’ nata’pa millik, naparakanni kande.

PA’PUDIAN 33:9

Belanna ma’kada manna anna kombongmo, sumu manna anna limbongmo sangga mairi’.

2 DATU 5:10

Nasuami Elisa tu misa’ pesua umpokadanni nakua: Malemokomi, mimendio’ pempitu diong salu Yordan, namondo sule tu kalemi sia la maserokomi.

KADADIAN 1:9

Ma’kadami tu Puang Matua: La ma’misa rokko misa’ inan tu mintu’ uai nasambo langi’, anna sombo tu karangkean. Dadimi susito.

KADADIAN 1:3

Ma’kadami tu Puang Matua kumua: La den tu masiang. Denmi tu masiang.

MATIUS 8:3

Nasorongammi tu limanNa, Nakaka’i, Nakua: Kuporai, la malekemoko! Ta’pa mondo bangsiami tu golenna.

LUKAS 5:12

Tonna lan misa’ tondok, denmi misa’ tau dio nasanta’ golen. Iatonna tiromi tu Yesu lumbangmi rokko padang namengkamase-mase lako, nakua: O Puang! iake Miporai manassa kuasaKomi umpamalekena’!

LUKAS 5:14

Ma’pakare’nami Yesu lako, Nakua: Da mupokada lenni moi lako misa’ duka tau, sangadinna maleko umpa’pekitanan kalemu lako tominaa sia pemalaranni tu pemala’ belanna kamalekeammu susitu napa’peannan Musa, tu la mendadi tanda lako tu tau.