LUKAS 5:1 - Sura' Madatu

¹ Den pissan nasisuang-suang tu tau lako Yesu, la umperangii kadanNa Puang Matua, tonna bendan dio randan tasik Genesaret.

LUKAS 5:1 Referans Kwoze

MARKUS 3:9

Nasuami Yesu tu anak gurunNa kumua la dio bang tu lopi bitti’ nasikandappiran, belanna kabudanna tau, da nasisi’pinni tau.

MATIUS 14:34

Malemi ma’lembang, narampo lako gantananna dio Genesaret.

MARKUS 6:53

Malemi ma’lembang lian gantananna, rampo lako Genesaret, natadang dio.

MATIUS 11:12

Tempon dio mai tonna Yohanes Pa’dio’ sae lako totemo masarrang kumarorak tu Parenta Suruga sia narabak to unnea parrangi.

YOSUA 12:3

sia Araba-Yordan sae lako rampe matallo tasik Kinerot sia sae lako rampe matallo tasik Araba, iamo tu tasik Ma’sin, ma’palulako Bet-Yesimot sia rampe lu sau’na diong garonto’ mennaa’na Pisga.

PA’TOLE 3:17

namane Araba-Yordan sia Yordan sola lili’na randuk dio mai Kineret sae lako tasik Araba, iamotu tasik Ma’sin, dio garonto’ mennaa’na Pisga ma’palulako rampe matallo.

KADIBILANGAN 34:11

Na dio mai Sefam, iatu passaparanna la lu rokko Ribla, rampe matallona Ain; namane passaparan iato lu rokko sia sipeupu’ tasik Kineret dio rampe matallo.

LUKAS 12:1

Iatonna iato sirampunmo ba’tu pirang-pirang sa’bu tau, nasilessak-lessak bangmo, pakalan Naparandukmi Yesu ma’kada dolo lako anak gurunNa: Kanandaikomi kalemi dio mai raginna to Farisi, iamotu belo puduk.

MARKUS 5:24

Malemi sola, nabuda tau undi urrundu’I sia ussisi’pinni.

LUKAS 8:45

Nakuami Yesu: Minda ungkaka’Na’? Iatonna meongan nasangmo nakuami Petrus: O Guru, to buda bangsia ungkasaKomi.

YOSUA 13:27

sia diong lombok: Bet-Haram, Bet-Nimra, Sukot sia Zafon, tu torronapa parentana Sihon, datu Hesbon; sia Yordan sola randananna sae lako tampakna tasik Kineret, dio sambalinna lu Yordan, rampe matallo.

MARKUS 4:1

Naparanduk pole’omi Yesu mangada’i dio randan tasik; lendu’mi budanna tau sirampun lako Kalena, naurunganni kendek langngan misa’ lopi Naunno’ko lan tasik, na dao karangkeanna tu mintu’ to buda rengke’ lako tasik.

LUKAS 5:2

Natiromi tu lembang da’dua dio to’ randan tasik apa sunmo tu to ma’dalla’ lan mai, marassanmo umbasei dalla’na.

LUKAS 8:22

Den sangallo Nakendek tu Yesu langngan lembang sola anak gurunNa, Nakuami lako: Melo ke ma’lembangki’ lako diona lu te tasik; ke’de’mi.

LUKAS 8:23

Iatonna ma’lembang, nabokomi mamma’na tu Yesu. Saemi bara’ lan tu tasik, ponnomi uai lan tu lembang, sidi’mora namalabu.

LUKAS 8:33

Sangsunammi lan mai kalena tinde tau, nalu tama bai; sipettu’mu’-tu’mu rammi tinde bai dao mai aya’ mi’lan rokko tasik, namate malammu’.

YOHANES 1:40

Iatu Andreas, siulu’na Simon Petrus, iamo misa’ to tau da’dua, tu urrangi dio mai Yohanes, anna undi urrundu’ Yesu.

YOHANES 6:1

Undinnato malemi tu Yesu lako lamban lianna tasik Galilea, iamo tasik Tiberias.

IBRANI 13:7

Kilalai tu mai panglalanmi tu to mangkamo umpokadangkomi kadanNa Puang Matua, palan ara’i tu tampak katuoanna, ammi alai sangka’ tu kapatongananna.