LUKAS 4:29 - Sura' Madatu

²⁹ Pakalan nasangke’deran nasualei sun lan mai tondokna tu Yesu, nasurrunni lako kadakean dao tanete, tu dinii umbangun tondokna, la morai umpembuanganNi dao mai.

LUKAS 4:29 Referans Kwoze

YOHANES 8:59

Pada unnalami batu la morai untumbui batu, apa mentirerung tu Yesu Nasun lan mai Banua Kabusungan.

IBRANI 13:12

Susi duka Yesu to, kumua anna raraNa Kalena Napamaseroanni tu tau buda, anNa perasaimi tu kamaparrisan dio salian babangan.

YOHANES 8:40

Apa totemo undaka’komi lalan la umpateiNa’, te To umpokadangkomi tonganna, tu Kuranginna dio mai Puang Matua; iate iannate tae’ ia napogau’i Abraham.

YOHANES 8:37

Kuissan kumua taruknakomi Abraham, apa undaka’komi lalan la umpateiNa’, belanna tae’ nala’ka’ lan penaammi tu kadangKu.

PA’PUDIAN 37:14

Iatu to tang mekaaluk unnonok la’bo’na sia umpatu’tun bulianna, la ussongkan to mandasa sia to mase-mase, sia la ussampan-sampan to unnola lalan kabulo-lollongan.

KADIBILANGAN 15:35

Attu iato ma’kadami tu PUANG lako Musa, Nakua: Manassa la dipatei tu tau iato sia mintu’ kasirampunan la umbatui dio salianna to’ tenda.

2 OSSORANNA DATU 25:12

Ondongpi narampa tuo to Yehuda tu surodadunna sangpulo sa’bu, anna baai tu tau iato mai langngan botto buntu batu, anna pembuanganni dao mai botto buntu batu iato, naurungan tisepak-sepak nasang tu tau iato mai.

LUKAS 4:28

Iatonna rangimi mintu’ to lan banua pa’kombongan tu kada susito, ponno nasangmi kasengkean diong tambukna.