LUKAS 4:27 - Sura' Madatu

²⁷ Ia duka tonna nabi Elisa buda to Israel golenan natae’ bangra misa’ dipamaleke sangadinna Naaman to Siria.

LUKAS 4:27 Referans Kwoze

YOHANES 17:12

IatongKu sisolapa, Kukarimmanni umpoparinding sangamMi, tu mangka Mipa’kamasean lako Kaleku, sia mangkamo Kurinding pala’, na moi misa’i tae’ sanggang sangadinna iatu anak taa kasanggangan, dikua anna sundun tu lanna Sura’ Madatu.

MATIUS 12:4

Matumbari natama banuanNa Puang Matua, anna kandei tu roti dipennoloan, tu pemalinna nakande sola tu to nasiban, sangadinna to minaa manna ia?

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

AYUB 36:23

Mindara umpadulluanNi lalan, sia mindara barani ma’kada, kumua mangkamoKomi umpogau’ tang malambu’?

AYUB 33:13

Ma’apai ammi sigaga Puang Matua, anna moi misa’ penggauranNa tae’ Nasondai.

AYUB 21:22

Denraka misa’ tau unnada’i kapaissanan Puang Matua, anNa Ia umpaolai salu tu to dao suruga?

MATIUS 8:3

Nasorongammi tu limanNa, Nakaka’i, Nakua: Kuporai, la malekemoko! Ta’pa mondo bangsiami tu golenna.

LUKAS 4:28

Iatonna rangimi mintu’ to lan banua pa’kombongan tu kada susito, ponno nasangmi kasengkean diong tambukna.