LUKAS 3:7 - Sura' Madatu

⁷ Nakuami lako to buda, tu to sangsunammo la nadio’; E bati’ ula’ rame, mindara umpatudukomi umpallaian kalemi dio mai kasengkean la sae undinna?

LUKAS 3:7 Referans Kwoze

MATIUS 23:33

E ula’ sia bati’ ula’. Umba la mikua umpallaian kalemi dio mai ukungan naraka?

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

MATIUS 12:34

E bati’ ula’ rame, umba la mikua umpokadai tu melona, anna kamu kalena to kadake? Belanna kala’biammira diong penaa anna ma’kada tu puduk.

YESAYA 59:5

Tau iato mai unnarranni tallo’ ula’ balu sia untannun banua laa-laa. Minda-minda ungkandei tu tallo’na, manassa la mate; iake ditessei tu tallo’ iato, tassu’mi lan mai tu misa’ ula’ rame.

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

PENGGAURANNA RASULU’ 13:10

sia nakua: E iko te to ponno tangnga’ kadake sia kabulitukan, anak deata bulituk, ualinna mintu’ kamaloloan! tae’raka mula morai untorroi umpakelokki tu lalan maloloNa Puang?

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

MATIUS 3:6

umpopedio’mi kalena tu tau anna dio’i Yohanes diong salu Yordan tonna unnaku kasalanna.