LUKAS 3:6 - Sura' Madatu

⁶ sia mintu’na ma’rupa tau la untiro kasalamaran dio mai Puang Matua.

LUKAS 3:6 Referans Kwoze

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

YESAYA 40:5

Iatu kamala’biranNa PUANG la dipaombo’ sia mintu’ tolino pada la untiroi, belanna sunmo dio pudukNa PUANG.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

ROMA 10:18

Apa kukua: Tae’paraka narangii? Tonganna tongan! Memannamo tu gamaranna lan mintu’ lino, sia iatu kadanna landa’mo lako randanna langi’.

ROMA 10:12

Belanna tae’ silaenanna to Yahudi anna to Yunani. Apa misa’ri Puang umpuangi mintu’na sia sumpu mamase lako mintu’ to metamba lako Kalena.

MARKUS 16:15

Nakuami ungkuanni tinde tau: Malemokomi lako mintu’na lino, mipa’peissananni tu Kareba-kaparannuan lako angganna issinna lino.