LUKAS 3:18 - Sura' Madatu

¹⁸ Ba’tu pira-pirapa kada senga’ naadaranni lako sia napangadaran tu Kareba kaparannuan lako to buda.

LUKAS 3:18 Referans Kwoze

PENGGAURANNA RASULU’ 2:40

Budapa tu kada senga’ nanii untonganni sia umpakilalai tu tau nakua: Pa’benganni tu kalemi dikarimmanni dio mai te to leko’ penaanna.

YOHANES 1:34

Kukitamo angku katottongi kumua Iamo te tu AnakNa Puang Matua.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

YOHANES 1:15

Nakatottongimi Yohanes sia metamba-tamba nakua: Iamora te tu mangka kupokada a’ganNa kumua: Iatu undinna sae na aku, Iamo undoloina’, belanna inang dolo Ia den na aku.

LUKAS 3:17

Diomo Natoe tu barangNa, la Napemata’pii tu panglullu’Na anNa rampunni tama pa’pannian tu malapu’na, apa iatu langkona sola ongkanna la pura Naballa api tang pa’de-pa’de.

LUKAS 3:19

Apa iatu Herodes datu sangtepona tondok, tonna mangkamo Yohanes umpakilalai tu diona Herodias, bainena siulu’na, sia belanna mintu’na kakadakean napogau’ Herodes,

PENGGAURANNA RASULU’ 20:2

Tonna mangkamo ussalongi tu mintu’ parenta iato sia buda pa’pakilala napokadanni tu mai tau, tarru’mi tama tana Yunani.

ROMA 12:8

iake ma’pakilala, angkaranni tu situru’na kapa’pakilalan; sia iatu mamenganna pasiolananni kamasokanan; sia iatu manglopianna pasiolananni kabirisanan; sia iatu unnangkaranna kamamasean pasiolananni kasendean.