LUKAS 3:17 - Sura' Madatu

¹⁷ Diomo Natoe tu barangNa, la Napemata’pii tu panglullu’Na anNa rampunni tama pa’pannian tu malapu’na, apa iatu langkona sola ongkanna la pura Naballa api tang pa’de-pa’de.

LUKAS 3:17 Referans Kwoze

MATIUS 13:30

Da’ito anna tuo bangpa sola sae lako peparean, na iapa ke peparean angku kuanni tu to mepare kumua: Rampunni dolo tu pare-pare sia pori sisanguyunni anna diballa, apa iatu pare pakissinni langngan alangku.

MIKHA 4:12

Apa tae’ natandai tau iato mai tu tangnga’Na PUANG sia pa’timbanganNa, kumua la Narampun susi patuku gandung dao panglulluran.

YEREMIA 15:7

Tonganna Aku unta’pii barang tu tau iato mai lan mintu’ babangan tondok; Aku umpasisayuranni anak, sia ummangsanni tu taungKu. Apa tae’ duka natibalik tu tau iato mai dio mai lalanna.

PA’PUDIAN 1:4

Iatu to tang mekaaluk tang ten ia a’ganna to, sangadinna sangtinti ta’pian nasarombonan angin.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

YESAYA 30:24

Mintu’ sapi sia keledai tu dipa’tengkoan la ungkande apa mapi’da, tu mangkamo dita’pii barang sia diseno senoan.

LUKAS 3:18

Ba’tu pira-pirapa kada senga’ naadaranni lako sia napangadaran tu Kareba kaparannuan lako to buda.