LUKAS 3:12 - Sura' Madatu

¹² Saemi tu passima la morai didio’, nama’kada nakua lako: O guru! apara tu sipatu la kipogau’?

LUKAS 3:12 Referans Kwoze

LUKAS 7:29

Iatu to buda tu urrangii tu kadanNa sia to passima natonganammo tu kamaloloanNa Puang Matua, belanna umpa’bengan kalena nadio’ Yohanes.

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

MATIUS 5:46

Belanna iake unnala masekomi to ungkamaseikomi, apara poleanna lako kalemi? Tang napogau’ dukaraka passima susi to?

LUKAS 3:10

Mekutanami tu to buda lako nakua: Iake susito, apa tu sipatu la kipogau’?

LUKAS 3:13

Nakuami Yohanes lako: Da mipala’bii mipalaku tu mangkanna disuangkomi.

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?