LUKAS 23:4 - Sura' Madatu

⁴ Mangkato nakuami Pilatus lako mintu’ pangulu to minaa sia lako to buda: Tae’ra kuappa’ tu la Naposalana te tau iate.

LUKAS 23:4 Referans Kwoze

YOHANES 18:38

Nakuami Pilatus lako: Apara tu kamanapparan iato? Iatonna ma’kada susito, sunomi nalao lako to Yahudi, nakuami lako: Tae’ kukabu’tui tu salaNa.

1 PETRUS 2:22

Iamo Ia, tu tang umpogau’ kasalan, tae’ duka naombo’ dio mai randan pudukNa tu kada patua’ ba’tang;

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.

LUKAS 23:22

Ma’pentallunna ma’kadami Pilatus lako tu tau, nakua: Kakadakean apara Napogau’? Tae’ bang kuappa’ tu la Naposalana tu sipatunna la dinii umpatei. Iamoto dadi la kubamba bangmo, kurampananNi!

MARKUS 15:14

Nakuami Pilatus lako tu tau: Kaka- dakean apara tu napogau’? Apa sama- sarrang-sarrangna metamba tu tau nakua: A’ta’I Ia tu!

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

MATIUS 27:19

Iatonna unno’ko’ tu Pilatus dao kadera nanii unno’ko’ mangra’ta’ kara-kara, mesuami tu bainena lako umpokadai kumua: Da mipatumba-tumbai tu to malambu’; belanna ba’tu pempiranmo kutibuang-buangan te allo iate lan tindoku tu diona Ia.

PENGGAURANNA RASULU’ 3:13

Puangna Abraham sia Ishak sia Yakub, tu Puangna nene’ to dolota umpakala’bi’ TaunNa, iamotu Yesu, tu misorong kamu sia mipeoanganni dio olona Pilatus, tonna ra’ta’i kumua la dirampanan.

PENGGAURANNA RASULU’ 25:25

Apa manassa lako kaleku, kumua tae’ bang ia misa’ penggauranna tu sipato’na la dinii umpatei. Sia belanna ia kalena la umpa’petimbangampi lako datu kapua To kabarrealloan, kupopa’ga’tarammi la umpesuanni lao ussolanni.