LUKAS 23:33 - Sura' Madatu

³³ Iatonna rampomo lako to’ inan disanga Kararo ulu, naa’ta’mi tu Yesu dio sia iatu to kadake da’dua, misa’ dio kananNa na misa’ dio kairinNa.

LUKAS 23:33 Referans Kwoze

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.

YOHANES 18:32

Kumua anna sundun tu kadanNa Yesu, tu Napokada la umpa’peissananni tumba tu kamateanNa.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

PA’TOLE 21:23

manassa iatu batang rabukna, tae’ nama’din torro sipeupu’ bongi dio lentong, sangadinna la mulamun bangsiamoto allo iato, belanna iatu tau ditoke’ Natampakki ropu Kapenomban; da mupamaruttakki tu tondok, la Nabenko PUANG, Kapenombammu, la mupotaa mana’.

GALATIA 3:13

Mangkamoki’ Nala’bak Kristus dio mai tampak ropu Sukaran aluk, apa Ia mendadi tampakan ropu belanna kita, belanna nakua lan sura’: Tampak ropu lako mintu’ to titoke’ dao kayu.

PENGGAURANNA RASULU’ 13:29

Iatonna mangkamo ussundunni tu mintu’na apa disura’ diona Yesu, napopengkalaomi dao mai kayu pea’ta’, napeliangI.

PENGGAURANNA RASULU’ 5:30

Iatu Puang Matua, tu Puangna nene’ to dolota mangkamo umpamalimbangun Yesu, tu mangka mipatei mitoke’ lako kayu.

PENGGAURANNA RASULU’ 2:23

Iamotu disorong situru’ tanan penaanNa sia paissanNa tempon Puang Matua, mangkamo mia’ta’ sia mipatei napata’pai lima to tang mekaaluk.

YOHANES 3:14

Susi Musa mangka umpakendekki tu ula’ dio padang pangallaran, susi dukamoto tu Anak rampan dilino sipatu la dipakendek,

LUKAS 24:7

kumua: Tae’ nasalai tang disorong lako to kasalan tu Anak rampan dilino anna a’ta’I naallo ma’pentallun Namalimbangun sule.

MATIUS 26:2

Inang miissanmo kumua duang allopi nalambi’i tu pa’gauran Pasa, anNa disorong tu Anak rampan dilino, kumua anNa dia’ta’.

MATIUS 20:19

Anna sorongi lako to kapere’, natelle-tellei, naongkan-ongkan ue, sia naa’ta’, na allo ma’pentallun Namalimbangun sule.

PA’PUDIAN 22:16

Iatu kamabukuangku marangkemo butung bibang, sia iatu lilaku la’ka’ lako lingaroku; amMi parokkona’ to’barra-barra’ kamatean.