LUKAS 23:32 - Sura' Madatu

³² Nabaa dukami tau tu to senga’ da’dua, to kadake, la napasipatei Yesu.

LUKAS 23:32 Referans Kwoze

MARKUS 15:27

Napasia’ta’mi pa’gora’ da’dua, misa’ dio kananNa na misa’ dio kairinNa.

MATIUS 27:38

Tonna iato dipasia’ta’ duka pa’gora’ da’dua, misa’ dio kananNa, na misa’ dio kairinNa.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

YOHANES 19:18

Indemoto nanii unna’ta’I sola to senga’ da’dua dio patomalinNa, nalan tangnga tu Yesu.

LUKAS 22:37

Belanna Kukua lako kalemi: Iapa te ianate tu disura’, tae’ nasalai tang disundunninna lako Kaleku, kumua: Dipasisangbilangan to kadake. Belanna mintu’na tu disura’ diona Aku, disundunnimo.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

LUKAS 23:31

Belanna iake susii penggauranna lako kayu mamata to, la ma’patumbaoi dadinna tu kayu marangke?

2 TIMOTIUS 2:9

Belanna iamira tu iannato angku perasai kamaparrisan, kuurunganni dirante bassi butung to sala’ kedo, apa iatu kadanNa Puang Matua tae’ nabelai dirante bassi.