LUKAS 23:30 - Sura' Madatu

³⁰ Iato ke attu iato mane la randukri ma’kada tu tau lako mintu’ tanete susite: I’pinnikanni mai! sia lako mintu’ buntu: Samboikanni mai!

LUKAS 23:30 Referans Kwoze

KADA OMBO’ LAKO RASULU’ YOHANES 6:16

Anna ma’kada lako mintu’ tanete sia buntu batu: Tuannikanni sia rerungkanni dio mai oloNa Puang tu unnisung dao isungan kapayungan iato, sia dio mai kasengkeanNa Anak domba.

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

YESAYA 2:19

Allo iato iatu mai tau la mallai tama lo’ko’ batu sia rokko garuang tu belanna kametakuranna kamala’biranna kapaanNa, ke ke’de’I umpatiramban mintu’ issinna lino.

KADA OMBO’ LAKO RASULU’ YOHANES 9:6

Iake attu iato la undaka’ mate tu tolino, apa tae’ naappa’i; nakamorai la mate, apa iatu kamatean mallai dio mai kalena.

YESAYA 2:20

Allo ia dukato iatu mai tau la untibe mintu’ rapang-rapang dipodeata salaka sia bulaan tu nagaraga la napenombai, nabuangan balao sola ledo.

LUKAS 23:31

Belanna iake susii penggauranna lako kayu mamata to, la ma’patumbaoi dadinna tu kayu marangke?