LUKAS 23:19 - Sura' Madatu

¹⁹ Iatu Barabas dikurung lan pa’tarungkan, belanna mangkamo umpamaramba tau lan tondok sia umpatei tau.

LUKAS 23:19 Referans Kwoze

PENGGAURANNA RASULU’ 3:14

Mipeonganni kamu tu To maseropindan sia malambu’, ammi palakui tu to papatean dirampananankomi butung misa’ pa’kamasean lako kalemi.

LUKAS 23:5

Napamakarra’ pissanorami tu kadanna, nakua: Umpatigega’ to buda te tau iate, lao ullilingi tondok Yudea unnada’i tau tempon dio mai Galilea sae inde te mai.

LUKAS 23:2

Randukmi umparapa’I, nakua: Kilambiran te tau iate unnada’i sala solaki, Nagagai massima lako datu kapua, Nakua Ia kalena Ia Kristus sia datu.

MARKUS 15:7

Denmi tu tau misa’ disanga Barabas, tu ditarungku sola mintu’ tu to nasisolan ma’pamaramba, sia umpatei tau lan kamaramban iato.

LUKAS 23:18

Rambanmi tu tau metamba takua bang to misa’ri, nakua: Tombonni lao tu tau iatu, iamo kami tu Barabas tassurangkan.

LUKAS 23:20

Belanna la morai tu Pilatus urrampanan Yesu, ma’kada pole’omi lako tau.

PENGGAURANNA RASULU’ 21:38

Tang ikomoraka tu to Mesir umpabu’tu kamarukkan pirambongi’ sia male ussolan patang sa’bu pa’gora’ lako padang pangallaran?