LUKAS 23:11 - Sura' Madatu

¹¹ Nalo’bo-lo’bomi Herodes sola mintu’ surodadunna tu Yesu sia natelle-telle, napakei sambu’ pandillak-dillak, nasuai umbaaI sule lako Pilatus.

LUKAS 23:11 Referans Kwoze

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

YOHANES 19:5

Sunmi tu Yesu ma’sa’pi’ duri sia ma’bayu lango-lango. Nakuami Pilatus lako tu tau sola nasangi: Tiromi te tau iate!

MARKUS 9:12

Nakuami lako: Inang la sae ia dolo tu Elia sia umpasirundunan mintu’ sakka’ saeanna. Apa tumbai tu mangkanna disura’ tu diona Anak rampan dilino, kumua la umperasai buda kamaparrisan sia la nasassai tau?

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

PA’PUDIAN 22:6

Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

MATIUS 14:1

Iatonna iato napelelemi Herodes, tu digente’ datu sangtepona tondok, tu diona karebanNa Yesu.

MATIUS 14:3

Iatu Herodes mangkamo untingkan Yohanes anna pungoi, napatamai pa’tarungkuan tu belanna Herodias bainena Filipus, siulu’na.

MATIUS 14:6

Apa iatonna pa’maruasan allo kadadianna Herodes, ma’gellu’mi tu anakna baine Herodias lan tangnga tau, naposendei penaanna datu.

LUKAS 23:10

Bendan bangmi tu pangulu to minaa sia pandita Sura’ umparapa’ Yesu, lendu’ maparrangna.

YAKOBUS 2:2

Belanna iake tamai banua pa’kombongammi misa’ to ma’sissin bulaan ma’pake melo na inde dukato nanii tama misa’ to bongko ma’tamangkale kadake;

YAKOBUS 2:3

ammi kasiri’i tu to ma’pakean melo sia mikua lako: Unno’ko’komi inde te inan melo, nalako tu to bongko mikua ungkuanni: Bendanko inde te, ba’tu unno’ko’ko diong to’ pelleseangku;