LUKAS 22:70 - Sura' Madatu

⁷⁰ Nakuami tu tau sola nasang: Dadi Kamumoraka tu AnakNa Puang Matua? Nakuami lako: Susimo tu mipokadanna, Akumote.

LUKAS 22:70 Referans Kwoze

LUKAS 23:3

Nakutanaimi Pilatus nakua: Kamumoraka datu to Yahudi? Mebalimi Yesu lako, Nakua: Susimo tu mipokadanna.

MARKUS 15:2

Mekutanami Pilatus lako, nakua: Kamumoraka tu datunna to Yahudi? Nakuami mebali: Susimo tu mipokadanna.

MATIUS 27:11

Bendanmi tu Yesu dio olona to maraya, anna mekutana to maraya lako, sia nakua: Kamumoraka tu Datunna to Yahudi? Nakuami Yesu: Susimo tu kadammi.

MATIUS 26:64

Nakuami Yesu lako: Susimo tu kadammi. Apa Kukua mati’, randuk te totemo ammi kitai tu Anak rampan dilino unno’ko’ dio kananNa To umpoissan angge maritik, sia sae lan gaun dao mai langi’.

YOHANES 19:7

Nakuami tu to Yahudi mebali lako: Iatu kami den atoran sukaran alukki, na iake dituntunni tu atoran iato sipatu la dipatei belanna ussanga Kalena AnakNa Puang Matua.

YOHANES 18:37

Nakuami Pilatus lako: Datu dukaroKomika pale’? Nakuami Yesu mebali: Tonganna susitu kadammi, kumua Aku te datuNa’. Iamo patunna to angKu dadimo, sia iamo patunna to angKu saemo tama te lino, kumua angKu katottongi tu kamanapparan. Minda-minda tu bu’tu lu dio mai kamanapparan iamo umperangii kadangKu.

YOHANES 10:36

sipaturaka la mikua lako tu To Napamaindan Ambe’ sia Nasua tama te lino, kumua: Umpa’kada solangiKomi Puang Matua, tu belanna Kukua: Aku te, AnaknaNa’ Puang Matua?

YOHANES 10:30

Iatu Aku na Ambe’ misa’ bangsiari.

YOHANES 1:49

Nakuami Natanael mebali lako: O Rabi, Kamumo tu AnakNa Puang Matua! Kamumo tu Datunna to Israel!

YOHANES 1:34

Kukitamo angku katottongi kumua Iamo te tu AnakNa Puang Matua.

LUKAS 4:41

Buda tau nanii sun deata masussuk melalla-lalla lan mai kalena, nakua: Kamumo tu AnakNa Puang Matua. Nata’tanmi, tang Natangga’ ma’kada, belanna natandaimo, kumua inang iamotu Mesias.

MARKUS 14:62

Nakuami Yesu: Aku bangsiamo; la mikita tu Anak rampan dilino unno’ko’ dio kananNa Toumpoissan angge maritik sia songlo’ sola gaun dao mai langi’.

MATIUS 27:54

Iatonna tiroi kamandang sia iatu mai to nasisolan ungkampai Yesu tu lino’ sia iatu mintu’ apa dadi, lendu’mi mataku’na, nakua: Manassa AnakNa Puang Matua te Tau iate.

MATIUS 27:43

Rannu lakomo Puang Matua, da’ito na Puang Matua duka ungkarimmanNi totemo, ke Naporai Puang Matua; belanna nakua: AnaknaNa’ Puang Matua.

MATIUS 4:3

Saemi tinde to pangrosoan sia nakua lako: Iake AnakNaKomi Puang Matua, suai te batu mendadi roti.

MATIUS 3:17

Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’PUDIAN 2:7

La Kupokada tu lampa kadanNa PUANG: Mangkamo ma’kada lako Kaleku: Ikomo tu AnakKu; Akumo mangka undadiangko te allo totemo.

MATIUS 26:25

Mebalimi Yudas tu la umpa’peturoanNi, nakua: akuraka, Guru? Nakuami Yesu ungkuanni: Susimo tu kadammu.

LUKAS 22:71

Nakuami tu tau: Apaopa gai’na tu sa’bi lako kaleta? Na kita kalenamo urrangii sun dio pudukNa.