LUKAS 22:60 - Sura' Madatu

⁶⁰ Nakuami Petrus: Na iate tau te! tae’ aku kuissanni tu kadammu! Iatonna iato, marassan bangsia ma’kada-kada naunnonimo manuk.

LUKAS 22:60 Referans Kwoze

YOHANES 18:27

Meonganomi tu Petrus; unnonimi tu manuk to attu iato.

LUKAS 22:34

Apa Nakua lako: E Petrus! Kukua mati’, ia bangsiamote bongi iate, tae’pa naunnoni manuk, ke tae’pi mupentallun meongan kumua, tae’ mutandaiNa’.

MATIUS 26:34

Nakuami Yesu ungkuanni: Tonganna tongan Kukua mati’, kumua ia bangsiamote bongi iate, tae’pa naunnoni manuk, mupeonganniMo’ pentallun.

LUKAS 22:59

Mangkato agi-agi sangkapuran pangan nakua pole’omi misa’ to senga’ ungkanassai: Manassa tongan ia dukapa te tau iate tu Nasisolan, belanna iate tau iate to Galilea duka!

LUKAS 22:61

Messailemi Puang namentiro lako Petrus, nakilalaimi Petrus tu kadanNa Puang, tu Napokadanna lako, kumua: Tae’pa naunnoni manuk te bongi iate, ammu peonganniMo’ pentallun.