LUKAS 22:40 - Sura' Madatu

⁴⁰ Iatonna rampomo lako inan iato, Nakuami lako anak gurunNa: Massambayangkomi, da naruakomi peroso!

LUKAS 22:40 Referans Kwoze

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

LUKAS 22:46

Nakuami lako: Ma’apari mimamma’ bangra? Millikkomi ammi massambayang, da naruakomi peroso.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.

LUKAS 11:4

Sia pa’dei tu sala-budangki, belanna kami duka umpagarri’ salana mintu’ to kasalan lako kaleki. Sia da Mielorangkan diroso.

PA’PUDIAN 119:133

Pabantangi tu mintu’ tengkaku situru’ pangallu’Mi, sia da anna den kakadakean umparentana’.

PA’PUDIAN 17:5

Tumengkana’ tontong urrundu’ lalanMi; natang tilende’ tu lentekku.

1 OSSORANNA DATU 4:10

Meongli’mi tu Yabes lako Kapenombanna to Israel nakua: Ke ma’dinni Mipamasakke tonganna’i sia Mipakalua’ tu lili’ku, sia narondongna’ limamMi, sia patoyangi dio mai kaleku tu kamandasan, naurunganni tae’ naruana’ kamasolangan! Nakamaseammi Puang Matua tu apa napalaku.

PA’PUDIAN 19:13

Mindara tu unnissan mintu’ kapusanna? Seroi pindanna’ dio mai mintu’ kasalan tang dikita.