LUKAS 22:30 - Sura' Madatu

³⁰ anta misa’ kao’koran sola ma’talimbungan kumande sia mangiru’ lan ParentaKu sia unnisungi isungan kapayungan umparessai tu sangpulo dua sukunna to Israel.

LUKAS 22:30 Referans Kwoze

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

MATIUS 8:11

Sia Kukua lako kalemi, kumua buda tau la sae dio mai rampe matallo sia matampu’, naunno’ko’ kumande sisola Abraham sia Ishak sia Yakub lan Parenta Suruga;

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

LUKAS 14:15

Iatonna rangimi tau misa’ lan mai mintu’na to unno’ko’ kumande sola Yesu te kada iate, nakuami mebali: La maupa’mo tu to ungkande roti lan ParentaNa Puang Matua.

LUKAS 12:37

Maupa’ tu kaunan iato, ke sulei tu puangna, natae’ namamma’ nakarampoi. Manassa nakua kadangKu lako kalemi, ia kalena la ma’tambeke’, nasuai unno’ko’ kumande na ia sae umparakai.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.

KADA OMBO’ LAKO RASULU’ YOHANES 4:4

Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

PA’PUDIAN 49:14

Iamoto tu dalle’na to umposande’ bang kalena, iamo katampakanna to tu to umporai misa kadanna. Sela

2 SAMUEL 19:28

Moi anna mintu’ rapunna ambe’ku ussangai, kumua to la napatei nasang puangku datu, natarima dukamo’ puangku tama bilanganna to kumande sola puangku. Apapara la kutuntun sia kupokada lako datu?

MATIUS 5:3

Maupa’ tu mintu’ to umpamadiongan penaanna belanna tau iato umpoparenta Parenta Suruga.

2 TIMOTIUS 2:12

sia iake batta’ki’ umpatananni, la ma’parentaki’ Sola; iake tapeonganni, la Napeonganni dukaki’;

YAKOBUS 1:1

Salama’ dio mai aku, Yakobus, taunNa Puang Matua sia taunNa Puang Yesu Kristus, diparampo lako sangpulo dua sukunna bangsa to naala bilanganna to tisambo’.