LUKAS 22:20 - Sura' Madatu

²⁰ Susi dukato tonna mangkamo kumande, Naalami tu irusan, Nakua: Iate irusan iate iamo irusan titanan basse ba’ru lan raraKu tu dipato’do belanna kamu.

LUKAS 22:20 Referans Kwoze

1 KORINTUS 11:25

Susi dukato tu irusan tonna mangka kumande, Nakuami: Iate irusan iate iamo irusan titanan basse ba’ru lan raraKu. Pogau’mi te minii umpengkilalaiNa’, ke miiru’oi.

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

ZAKHARIA 9:11

La Kurampanan duka tu to dirampa dio lu kalemu lan mai bubun tu tae’ uainna tu belanna umpotoding rara kasibasseammu.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

KATASSURAN 24:8

Naalami Musa tu rara iato, napi’pikanni tu tau iato mai, anna ma’kada nakua: Tonganna iamote tu rara basse, tu Natanan PUANG misibassei tu menggaronto’ lan mintu’ kada iate.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

YEREMIA 31:31

Tonganna la sae tu allona, kadanNa PUANG, ke untananNa’ basse ba’ru sola to Israel sia to Yehuda.

IBRANI 9:17

Belanna iatu pantaa dolo, tiserek, ke matemi tu puangna; apa iake tuopi tu to mantaa dolo, inang tae’pa nama’din lalo.

2 KORINTUS 3:6

Ia dukamo umpamanarangkan mendadi to ma’kamayana basse ba’ru, tae’ duka na diona sura’, sangadinna diona Penaa, belanna iatu sura’ ma’pamate, apa iatu Penaa ma’patuo.

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.

MARKUS 14:24

Nakuami ungkuanni: Iamote tu raraKu, tu rara titanan basse, dipato’do belanna buda tau.