LUKAS 21:25 - Sura' Madatu

²⁵ Sia la den tanda kalle-kallean bu’tu dao allo sia bulan sia bintoen sia lan lino kasumpuan mintu’ tau sia putta penaanna, ke mongo’mi tu tasik sia bombang;

LUKAS 21:25 Referans Kwoze

YESAYA 13:10

Belanna mintu’ bintoen dao langi’ sia bintoen ma’karupu tae’mo anna la umpatiarrang arrangna; ia duka tu allo la dipamalillin, ke dellekki sia iatu bulan tae’mo anna la umpamian arrangna.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

YESAYA 24:23

Attu iato la maila’ tu bulan masero, sia la masiri’ tu allo mapana’, belanna iatu PUANGna mintu’ ma’dandan maritik, la Datu, dao buntu Sion sia dio Yerusalem, sia iatu kamala’biranNa la tonang, dio olona pekaamberanna taunNa.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

PENGGAURANNA RASULU’ 2:19

Sia la umpadenNa’ tanda mangnga dao langi’, sia tanda kalle-kallean lan te lino: iamotu rara sia api sia salebu’ sia rambu.

YESAYA 51:15

Belanna Akumo tu PUANG, Kapenombammu, tu umpatikalulun len tasik anna mariak bombangna; iatu sanganNa: PUANGna mintu’ ma’dandan maritik.

MARKUS 13:26

Attu iato la nakita tu Anak rampan dilino sae dao gaun situang kamatotoran kapua sia kamala’biran.

MARKUS 13:24

Apa iato attu iato ke mangkai kadipakario-rioan, la dipaliun tu allo sia ia duka tu bulan tae’ nala parrang.

MATIUS 24:29

Ianna lendu’ nasangmo tu kadipakario-rioan, ta’pa la dipaliun tu allo sia tae’ duka nala parrang tu bulan, sia la ronno’ tu mintu’na bintoen dao langi’, sia mintu’na kamatotoran dao langi’ la tigega’.

PA’PUDIAN 46:3

Iamoto anna tae’ angki la mataku’ moi anna tilele te lino, sia moi anna la tiberu tu mintu’ buntu rokko atena tasik.

MARKUS 15:33

Iatonna te’te’ sangpulo dua ma’tangnga allo, malillinmi tu mintu’ padang indeto dio sae lako te’te’ tallu makaroen.

YEREMIA 4:23

Iatongku tiroi te lino tang tibori’mo sia tae’ bangmo apa-apa lan; iatongku mentingara langngan langi’ pa’demo tu arrangna.

YESAYA 5:30

La narua angnga’ tu tau iato mai susito mongngo’na tasik; allo iato pittuk liu tu padang, iake mentiroi tu tau tiku lao kuli’na padang, kapittukan megiangan manna nata’pai matanna sia iatu arrang langi’ napapittuk saliu’.

MATIUS 27:45

Randukmi tonna te’te’ sangpulo dua ma’tangnga allo malillin tu mintu’ padang sae lako te’te’ tallu makaroen.

MIKHA 7:4

Iatu melona dio lu tau iato mai susi bang to duri na iatu ma’bulo sanglampana mandu kadake na rompo pondan. La rampo tu allona to ma’kampamu, sia ukungammu! Attu iato la narampoi kamagiangan tu tau iato mai.

YESAYA 17:12

A’a lendu’mo rukkana mintu’ bangsa, tu marukka susi mariakna tasik, sia lendu’ mongngo’na tu mintu’ sangpetayanan susi mongngo’na uai buda.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

LUKAS 21:26

sia mintu’na tau kadangkeng nasa’ding lan penaanna, belanna mataku’ sia umpeagii tu la urruannai te lino, belanna mintu’ kamatotoran dao langi’, la kedo.