LUKAS 20:5 - Sura' Madatu

⁵ Nasitangnga’-tangnga’i kalenami tinde tau: Iake la takua: lu dao mai suruga, inang la Nakua: Nama’apai anna tae’ mipatonganni?

LUKAS 20:5 Referans Kwoze

PENGGAURANNA RASULU’ 13:25

Iatonna mukkun tu Yohanes umpasirundunan pentoeanna, ma’kadami nakua: Mindara misanganna’? Tangia aku te, apa manassa den Misa’ tu la sae undinna na aku, moi umbukai ulang lapik lentekNa tang sipatu dukana’ umbukai.

YOHANES 3:36

Minda-minda umpatonganNi tu Anak, ia unnampui tu katuoan tontong sae lakona; apa minda-minda tang umperangii tu Anak, tae’ nala sikita katuoan, sangadinna tontong dio kalena tu kasengkeanNa Puang Matua.

YOHANES 3:26

Saemi lako Yohanes sia nakua lako: O Rabi, iatu To misolan dio sambalinna lu Yordan, tu mikatottongi, tiromi undio’mo tau sia sangsaean tu tau lako Kalena.

YOHANES 1:34

Kukitamo angku katottongi kumua Iamo te tu AnakNa Puang Matua.

YOHANES 1:30

Iamora te tu kupokada a’ganNa kumua: Undinna na aku la sae misa’ tu To undoloina’, belanna inang dolo Ia den na aku.

MATIUS 16:7

Sipa’kada-kada kalenami, nakua: Ia sia Nama’kada susi to, belanna tae’ tabaa roti.

MATIUS 21:25

Iatu pa’dioranna Yohanes, umbara nanii sae? Lu daoraka mai suruga, ba’tu lu dioraka mai tolino? Nasitangnga’-tangnga’i kalenami tinde tau nakua: Iake la takua, lu dao mai suruga, inang la Nakua: nama’apai anna tae’ mipatonganni?

LUKAS 20:4

Iato pa’dio’na Yohanes, lu daoraka mai suruga, ba’tu lu dioraka mai tolino.

LUKAS 20:6

Apa iake la takua: lu dio mai tolino, inang la natumbuiki’ batu to buda, belanna napatongan sola nasangi, kumua iatu Yohanes, nabi.