LUKAS 20:36 - Sura' Madatu

³⁶ belanna tae’mo nama’din mate len, apa susimo malaeka’ sia anakNa Puang Matua, belanna iatu tau iato to dipatuo sule.

LUKAS 20:36 Referans Kwoze

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

FILIPI 3:21

tu la umpopembali te kale lanta kamakario-rioanta, anna susi kale lanNa kamala’biranNa, situru’ tu kuasa Napokuasa umpopengkanorongi tu mintu’ angge maritik lako Kalena.

MATIUS 22:30

Belanna iake allo katuoan sule, tae’mo tau kebaine sia tae’ tau dipakemuane, sangadinna susi bangmo malaeka’ dao suruga.

KADA OMBO’ LAKO RASULU’ YOHANES 20:6

Maupa’ sia masallo’ tu to naala bilanganna kamalimbangunan bunga’na; tae’mo anna kuasai kamatean ma’penduan tu tau iato mai, sangadinna la dadi tominaanNa Puang Matua sia Kristus, sia la ma’parenta sola Puang sangsa’bu taunna.

1 KORINTUS 15:42

Ten dukamoto tu kamalimbangunanna to mate. Diambo’ sangindo’ a’gan kasanggangan, dipamalimbangun sangambe’ a’gan tang kasanggangan;

KADA OMBO’ LAKO RASULU’ YOHANES 22:9

Nakuami lako kaleku: Da mususi to. Aku te padaki’ taunNa Puang Matua, sia susi duka mintu’ sangsiulurammu, nabi sia mintu’nato ungkaritutui mintu’ kada lan sura’ iate. Puang Matua Ia mupenombai.

1 KORINTUS 15:26

Iatu uali ma’katampakanna la disabu’i, iamotu kamatean.

MARKUS 12:25

Belanna iake malimbangunmi sule dio mai to’ to mate, tae’mo nala kebaine sia dipakemuane, sangadinna susi bangmo malaeka’ dao suruga.

1 KORINTUS 15:49

Naumba tapakua unnangkaranni a’ganna tu lu diona mai te lino, ten dukamoto la tapakuanni umpakei tu lu daona mai suruga.

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

HOSEA 13:14

La Kurampananraka tu tau iato mai dio mai kuasanna lino to mate, sia la Kula’bakraka dio mai kamatean? E kamatean, umbamira tu ropummu, e lino to mate umbamira tu pasanggangammu? Tang natandaimo matangKu tu kamamasean.

YESAYA 25:8

La Napaputta tontong sae lakona tu kamatean, sia la Napa’dii Puangta PUANG tu mai uai mata, sia iatu kamatunanna taunNa la Napa’dei lan mai mintu’ nasambo langi’, belanna susimoto tu kadanNa PUANG.

ROMA 8:16

Belanna Ia kalena tu Penaa umpamanassai sola penaanta, kumua anakNaki’ Puang Matua.