LUKAS 20:22 - Sura' Madatu

²² sipaturakannika la ussorong sima lako datu kapua, tae’raka?

LUKAS 20:22 Referans Kwoze

NEHEMIA 9:37

Padang iate umpopemba’karan mintu’ datu burana, tu Miangkarangkanni belanna kasalangki, anna parentai tu kaleki sia iatu patuoangki unturu’ lalan penaanna; iamoto angki lan kapussakan kapua.

PENGGAURANNA RASULU’ 5:37

Undinna na iate tau iate, bendanmi Yudas to Galilea, tonna disura’ sanganna tau; nabuda tau unturu’i unnea parenta; anna mangsan duka, nadipasisarak-sarak tu mintu’ to unturu’i.

MATIUS 17:25

Nakuami: Nabaya’. Iatonna tamamo banua tu Petrus, Napadoloimi Yesu umpa’kadai, Nakua: E Simon, umbara musanga? Mindara nanii tu mai datu lan te lino unnala sassung ba’tu sima? Dioraka mai anakna ba’tu dio mai to salian?

NEHEMIA 5:4

Sia denmo tu ma’kada nakua: Unnindankan doi’ kipamayaran simangki lako datu, na pa’lakki sia pa’lak anggoro’ki kipaboro’.

EZRA 9:7

Randuk dio mai linona nene’ todoloki sae lako allo iate tonangkan lan sala kapua sia belanna kakadakeangki, angki disorong la kami la mintu’ datungki la mintu’ tominaangki tama kuasanna datunna tondok iato mai, la nakande bassi mataran sia la dipali’ sia la dipangrampai sia la ditoding siri’ susite totemo.

EZRA 4:13

La naissan puang, kumua iake bendanni te kota iate sia sundunmo tu benteng tembo’na, manassa tae’mo nabaya’i tau iato mai tu sima ulu, sassung sia sima balukan, naurunganni ma’katampakanna karugian tu puang.

PA’TOLE 17:15

attu iato la unnangka’ko datu anna datuiko, tu la Napilei PUANG, Kapenombammu; dio mai siulu’mu la munii unnangka’ misa’ datu undatuiko; tangia to salian bangsa, tu tangia siulu’mu, la ma’din muangka’ undatuiko.

LUKAS 20:21

Mekutanami tinde tau lako, nakua: O Guru! kiissan tongan tu kadamMi sia pangadaramMi, kumua malolo sia tae’ tau Milaenan, sangadinna umpa’pangadaran tongan bangKomi lalanNa Puang Matua;

LUKAS 20:23

Apa Naissan Yesu tu tanga’na tinde tau, dadi Nakuami ungkuanni:

LUKAS 23:2

Randukmi umparapa’I, nakua: Kilambiran te tau iate unnada’i sala solaki, Nagagai massima lako datu kapua, Nakua Ia kalena Ia Kristus sia datu.

ROMA 13:7

Baya’i lako mintu’ tau tu mipoindanna, iamotu sima lako to minii kaindanan sima, sia sassung lako to minii kaindanan sassung; kataku’i tu to sipatu dikataku’, pangke’i tu to sipatu dipangke’.