LUKAS 20:21 - Sura' Madatu

²¹ Mekutanami tinde tau lako, nakua: O Guru! kiissan tongan tu kadamMi sia pangadaramMi, kumua malolo sia tae’ tau Milaenan, sangadinna umpa’pangadaran tongan bangKomi lalanNa Puang Matua;

LUKAS 20:21 Referans Kwoze

MATIUS 22:16

Anak gurunna kalenami nasua sola to Herodian lao umpokadai kumua: O Guru, kiissan kumua Kamumo misa’ to malolo, sia lalanna tongan bang Puang Matua Mipa’pangadaran, sia tae’ tau Milaenan moi misa’ duka, belanna tae’ Mimentiro lindo lako tau.

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.

2 KORINTUS 2:17

Belanna kami te tae’ kisusitu tau pira tu umpopandakaran kadanNa Puang Matua, sangadinna malambu’ tongankan ma’kada-kada, susitu lu diona mai Puang Matua, sia dio oloNa Puang Matua kinii umpokadai tete dio Kristus.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

MARKUS 12:14

Saemi tinde tau, nakua lako: O Guru kiissan kumua to manappa’Komi sia tae’ tau Milaenan, belanna tae’ Mimentiro lindo lako tau, sangadinna lalanna tongan bang Puang Matua Mipa’pangadaran. Sipaturaka disorong tu sima lako datu kapua, tae’raka? La kisorongraka, tae’raka?

PA’PUDIAN 55:21

Mangka duka napata’pai lima tu to nasisangmuanean, sia umpinda lampa kadanna.

PA’PUDIAN 12:2

Karitutui, PUANG, belanna tae’mo to mengkaola, sia madarang sa’pemo tu to maruru’ dio lu mintu’ ma’rupa tau.

AYUB 34:19

tu tang umpelindo arung, sia tang umpalosongan to mala’bi’ anna to bitti’, belanna mintu’nato panggaraganNa nasang?

2 OSSORANNA DATU 19:7

Iamoto la narampoikomi katirambanan tu lu dio mai PUANG; kanandai meloi tu apa mipogau’, belanna dio PUANG, Kapenombanta, tae’ tu apa tang malambu’, tae’ tu mentiro rupa, ba’tu untarima pappe’.

GALATIA 2:6

Apa iatu to katandan – moi matumba kapuana pirambongi’ tae’ sisengaranna keaku, belanna tae’ Namentiro lindo lako tau tu Puang Matua – iatu to katandan tae’ misa’ apa napopa’indo’ lako kaleku.

LUKAS 20:20

NatuntunNi bangmi tau iato, iamoto nasuai ba’tu pira-pira tu tau loo ummata-matai sia unna’ga to malolo kalena, kumua anna pentoei sangbuku tu kadanNa, tu la naninna umpa’peturoanNi lako to paa sia lako parentana to maraya.

LUKAS 20:22

sipaturakannika la ussorong sima lako datu kapua, tae’raka?