LUKAS 2:9 - Sura' Madatu

⁹ Tiramban denmi misa’ malaeka’Na Puang Matua bendan dio tingayona tu to manglaa sia natikui arrang maseroNa Puang Matua, dadi lendu’mi mataku’na sola nasang.

LUKAS 2:9 Referans Kwoze

YESAYA 60:1

Ke’de’ko, ammu diarrangi, belanna saemo tu arrangmu, sia iatu kamala’biranNa PUANG kendekmo unnarrangiko.

2 KORINTUS 3:18

Apa kita sola nasang te tang membungku’na, nanii bayo-bayo kamala’biranNa Puang butung misa’ sammin, sia membaliki’ susitu rupa iato nasakendek-kendekna kamala’biranta, susitu lu diona mai PenaanNa Puang.

KADA OMBO’ LAKO RASULU’ YOHANES 18:1

Undinnato kutiromi misa’ malaeka’ senga’ songlo’ dao mai langi’ tu kapua kuasanna, na iatu lino naarrang kamala’biranna.

PENGGAURANNA RASULU’ 27:23

Belanna sangmai’ bongi den malaeka’Na Puang Matua, tu Puang kupopuang sia kupenombai, ke’de’ dio sa’deku,

1 DATU 8:11

naurunganni tae’ natananni tu mintu’ to minaa bendan menomba, diona salebu’ iato, belanna naponnoi kamala’biranNa PUANG tu banuanNa PUANG.

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

YOHANES 12:41

Iamote tu napokada nabi Yesaya, belanna natiromo tu kamala’biranNa anna pokadai tu a’ganNa.

LUKAS 24:4

Iatonna bangngo bangmo ara’na tinde tau tu diona to, denmi tau da’dua bendan nasikandappiran, ma’pakean pandillak-dillak.

KATASSURAN 16:7

Sia masiang melambi’, ammi tiroi tu kamala’biranNa PUANG, belanna iatu pa’nuku-nukummi ussayu PUANG Narangimo. Apa tau aparakan te sola dua, ammi ma’nuku-nukura lako kaleki?

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

IBRANI 12:21

Lendu’ ia masangna tu patiro iato, naurunganni ma’kada tu Musa nakua: Ma’parondona’ mataku’.

1 TIMOTIUS 3:16

Sia natongannimo tau tumba kapuana tu apa katangpaanna pengkaolanta kumua: Iamotu dipasombo lan batang kale tolino, Natonganni Penaa, payan lako malaeka’, dipa’peissanan lako mintu’ to kapere’, dikatappa’i lan lino, diangka’ tama kamala’biran.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

PENGGAURANNA RASULU’ 12:7

pakalan nabendanmo misa’ malaeka’Na Puang inde to dio, sia den arrang parrang lan bilik iato; nasa’pa-sa’pami tu la’pekna Petrus sia natundan nakua: Millikko madomi’! Tobangmi tu rantena lan mai limanna.

LUKAS 1:28

Tonna tamamo tu malaeka’, nakuami lako: Kurre sumanga’mu, e to dikamasei la Narondongmoko Puang Matua.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

YEHEZKIEL 3:23

Ke’de’mo’ angku male lako lombok iato; kutiro tulangdanmo dio tu kamala’biranNa PUANG susi bang tu kamala’biran mangka kutiro dio randan salu Kebar; lumbangmo’ rokko padang.

YESAYA 40:5

Iatu kamala’biranNa PUANG la dipaombo’ sia mintu’ tolino pada la untiroi, belanna sunmo dio pudukNa PUANG.

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.

KATASSURAN 16:10

Iatonna marassan tu Harun ma’kada-kada lako mintu’ kombonganna to Israel, anna messaile tu tau iato mai lako padang pangallaran, ta’kala paanmi tu kamala’biranNa PUANG lan gaun.

LUKAS 2:8

Lan lili’na tondok iato den ba’tu pira-pira to manglaa torro bang dio lu tangnga padang ungkampai sangtuntunan pangkambi’na kebongi.