LUKAS 2:7 - Sura' Madatu

⁷ Kianakmi, undadian misa’ Pia muane, iamo pa’bunga’na, naammu’Imi sambu’, napamamma’I rokko palungan, belanna tae’mo inan la nanii sola duai lan banua pa’bongian.

LUKAS 2:7 Referans Kwoze

GALATIA 4:4

Apa iatonna lambi’mi kagannaranna attu, Nasuami Puang Matua tu AnakNa tu dadi dio mai misa’ baine, tu dikianakan naonganni Sukaran aluk.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

2 KORINTUS 8:9

Belanna miissan tu pa’kamaseanNa Puangta Yesu (Kristus) kumua iatu Ia, moi anNa sugi’, apa mendadi kalala’ tu belanna kamu, kumua anna kamu umposugi’i tu kakalalaranNa.

MATIUS 1:25

Tae’ nasangampa’ len sae lako nadadianna tu pia muane misa’. Nasangai Yesu.

MATIUS 8:20

Nakuami Yesu lako: Sindallung ia den sia lo’ko’na, sia mintu’na duka manuk-manuk den sia serangna, apa Anak rampan dilino Ia tae’ bang inan nanii ussurrukan ulunNa.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

MATIUS 13:55

Tang anak pande kayuraka te? Sia tang disangaraka Maria tu indo’Na sia iatu mai siulu’Na, Yakobus sia Yusuf sia Simon sia Yudas?

PA’PUDIAN 22:6

Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

LUKAS 10:34

malemi lako tinde tau, nabimbinni tu bangkena namane umpalakoi minna’ na uai anggoro’, napalangnganni darangna, nabaai lako banua pa’bongian, nadaranai.

KATASSURAN 4:24

Iatonna dio lu lalan lan misa’ banua pa’bongian tu Musa saemi tu PUANG la umpatei.

KADADIAN 42:27

Denmi misa’ umbungka’ karungna dio to’ banua pa’bongian la umben kande keledainna, natiromi tu doi’na, lan sia baba karungna.

KADADIAN 43:21

Susimito tongki rampo rokko banua pa’bongian sia kibungka’ tu karungki, oh… anna pantan lan sia baba karungki tu doi’ki ganna’ bang, apa totemo kibaamo sule.

LUKAS 2:6

Iatonna dio bangsiapa lu sola duai, ta’kala nalambi’mi allo kakianakanna tu Maria.

LUKAS 2:8

Lan lili’na tondok iato den ba’tu pira-pira to manglaa torro bang dio lu tangnga padang ungkampai sangtuntunan pangkambi’na kebongi.