LUKAS 2:40 - Sura' Madatu

⁴⁰ Sakapua-puanami tinde Pia samatoto’-toto’Na sia Naponnoi kakinaan sia tae’ natore pa’kamaseanNa Puang Matua lako.

LUKAS 2:40 Referans Kwoze

LUKAS 2:52

Sakerangngan-rangngannami kamanaranganNa tu Puang Yesu sia kakapuanNa situru’ pa’poraianNa Puang Matua sia tolino.

LUKAS 1:80

Sakapua-puanami tinde pia, saponno-ponnona Penaa Masallo’ lan ba’tengna; dio bangmi lu padang pangallaran sae lako umpa’pekitananna kalena lako to Israel.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

1 SAMUEL 2:26

Iatu Samuel, to mangura iato, sakapua-puana, sanaala-alanna penaanNa PUANG sia tolino.

1 SAMUEL 3:19

Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.

LUKAS 2:47

Mintu’na tu tau urrangii tu kadanNa Puang Yesu, nakamangngai nasang tu kamanaranganNa sia mintu’ pebalinNa.

PA’PUDIAN 22:9

Nasorongmo tu kamaparrisanna lako PUANG! Da’ito na Ia ungkarimmanni. Da’ito na Ia ullendokanni, belanna naala Ia penaanNa!

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.

TO PARENGNGE’ 13:24

Undadiammi misa’ pia muane tu baine iato, nasangai: Simson. Salobo’-lobo’nami tu pia iato, sia Napamasakke-sakke PUANG.

2 TIMOTIUS 2:1

Iamoto, e anakku, mananna’ko lan pa’kamasean tete dio Kristus Yesu.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

PENGGAURANNA RASULU’ 4:33

Kamatotoran kapua napomatoto’ tu mai rasulu’ ungkatottongi tu diona kamalimbangunanNa Yesu, sia kapua pa’kamasean lako tinde tau sola nasangi.

PA’PUDIAN 45:2

Tiakka’ tu penaangku la umpokada kada masokan, la ussengoanna’ datu, iatu lilaku susi peoki’na to malute mangoki’.

1 SAMUEL 2:21

Natontongi rupami PUANG tu Hana, anna ma’tambuk pole’, nadadian pia muane tallu anna baine da’dua. Iatu Samuel, pia iato, sakapua-puana torro dio oloNa PUANG.