LUKAS 2:39 - Sura' Madatu

³⁹ Iatonna mangkamo umpogau’i tu mintu’na tu natuntunna Sukaran alukNa Puang Matua, sulemi lako Galilea, lako tondokna siamo dio Nazaret.

LUKAS 2:39 Referans Kwoze

LUKAS 2:4

Male dukami tu Yusuf dio mai Galilea, lan mai tondok Nazaret, lako tondok Yudea, tondokna Daud, disanga Betlehem, belanna bati’na sia tarukna Daud,

MATIUS 3:15

Apa mebali Yesu sia Nakua ungkuanni: Da’ito belanna susimoto sipatuki’ ussundunni tu natuntunna sukaran aluk. Naturu’Mi.

PA’TOLE 12:32

Iatu mintu’ apa kupasanangkomi, la mikaritutui tongan; da mirangnganni sia da mikurangi.

LUKAS 2:51

Malemi sule sola, Nasae lako Nazaret, mengkaola bang lako indo’Na sia ambe’Na. Apa iatu indo’Na napalan bang penaanna tu mintu’na kada iato.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

LUKAS 1:26

Iatonna bulan ma’pennannanmo Nasuami Puang Matua tu malaeka’ Gabriel lako misa’tondok dio Galilea, disanga tondok Nazaret,

LUKAS 4:16

Rampomi tu Yesu lako Nazaret, tu Nanii lobo’; iatonna allo katorroammo malemi tama banua pa’kombongan, susitu biasanNa, Nake’de’ la umbasa sura’.

LUKAS 4:23

Nakuami Yesu lako: Inang la mikua ungkuanNa’ te ponto bannang iate: E! to ma’dampi, pamalekei dolo tu Kalemi; iatu kiranginna dadimo dio Kapernaum, pogau’ dukami susito indete tondokMi.