LUKAS 2:38 - Sura' Madatu

³⁸ Iatonna iato saemi, naparandukki umpudi-pudi Puang Matua sia unnuleleanni tinde Pia lako mintu’ to untayan kadila’bakanna Yerusalem.

LUKAS 2:38 Referans Kwoze

LUKAS 2:25

Den todami tau lan Yerusalem misa’, disanga Simeon, iamo misa’ to malambu’ sia umpatongan Puang Matua, umpeagi bangmo pa’pakatana lako to Israel sia den Penaa Masallo’ lan kalena.

2 KORINTUS 9:15

Kurre sumanga’na langngan Puang Matua, tu diona tu pa’kamase tang dilambi’Na dipokada.

LUKAS 24:21

Kiparannuan bangmo kami, kumua Iamo la ulla’bak to Israel, – apa moi susito, totemo ma’tallung allomo mangkanna dadi tu mintu’nato.

LUKAS 1:68

Mintu’na kadipangkeran lu lako nasang Puang Kapenombanna to Israel, belanna denmo mamaseNa umpemaranga to Napilei, Napadenanni kadila’bakan.

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

LUKAS 23:51

iamo misa’ to melo penaanna sia malolo – iato tau iato tae’ naturu’i tu pa’tangngaranna sia penggauranna tau; – iato tau iato, to dio mai Arimatea, misa’ tondok to Yahudi, sia ia dukamo umpeagi bang parentaNa Puang Matua.

MARKUS 15:43

saemi tu Yusuf to Arimatea, iamo misa’ to diala Ada’ sia dikasiri’, ia dukamo umpeagi bang ParentaNa Puang Matua; iamo umpabatta’ penaanna tama mennolo lako Pilatus napalakui tu batang rabukna Yesu.

LUKAS 2:36

Den misa’ tau, disanga Hana, nabi baine, anakna Fanuel, bati’na Asyer, masaimo tau; anak darapa nakemuane napitung taunri sisola muanena;