LUKAS 2:32 - Sura' Madatu

³² Iamotu parrang unnarrang to kalillinan sia misa’ kamala’biran lako taumMi to Israel.

LUKAS 2:32 Referans Kwoze

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

PENGGAURANNA RASULU’ 26:23

iamotu Kristus sipatu umperasai kamaparrisan sia Iamo bunga’na malimbangun dio mai to’ to mate la umpa’peissanan misa’ arrang lako te bangsata sia lako duka to kapere’.

YESAYA 9:2

Mipopemba’ka’mo te bangsa, amMi pekapuai tu kaparannuanna; la parannu paiman tu tau iato mai dio oloMi susi to kaparannuanna tau, ke pepareanni, sia sangtinti to sila’tekan, ke untaa-taai pangrampa.

KADA OMBO’ LAKO RASULU’ YOHANES 21:23

Tae’ namanggi’ tu allo sola bulan unnarrangi tu tondok iato, belanna kamala’biranNa Puang Matua umpamasiangi sia Anak domba napopalita.

PENGGAURANNA RASULU’ 28:28

Iamoto la miissan kumua iate kamakarimmanan lu dio mai Puang Matua diparampo lako to kapere’; tau iamoto mai tu la umperangii.

MATIUS 4:16

iatu to torro lan malillinna ungkitamo arrang ma’lana-lana, sia bu’tumo maserona umpanta’i tu mintu’ to torro lan padang naluang kamatean.

ZAKHARIA 2:5

Sia Aku kalena la napobenteng api tiku lao, kadanNa PUANG, sia la napokamala’biran lan.

YESAYA 60:19

Iatu allo tae’mo mupoarrangi ke allo sia iatu bulan tae’mo nala umpadukkuangko arrangna; sangadinna PUANG la mupoarrang matontongan sia Kapenombammu mupomala’bi’.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

YESAYA 4:2

Allo ia dukato iatu apa Napopentaruk PUANG la napobelo sia napomala’bi’ tau, sia iatu bura padang la napomaballo sia la napokassa’ maramba’ to Israel tilendokmo.

PA’PUDIAN 85:9

La kuperangii tu apa Napokada Puang Matua, PUANG. Belanna la umpokada kamarampasan lako taunNa sia lako mintu’ to sallo’Na; podo da natibalik tu tau iato mai sule lako kabaganna.

1 KORINTUS 1:31

kumua anna susitu disura’na, nakua: Minda-minda tu massattuan, la massattuan tete dio Puang.

LUKAS 2:10

Nakuami tu malaeka’ lako: Da mimataku’, belanna la kupokadangkomi kaparannuan kapua tu dipadenan angganna tolino,

YEREMIA 2:11

Denmoraka misa’ bangsa untuka’i tu deatanna, moi anna tangia kapenomban? Apa taungKu napasituka’mo Kadipakala’biranna tu apa tae’ gai’na.

YESAYA 11:10

Allo ia dukato anna iatu taruk uaka’na Isai la tulangdan napobate-bate mintu’ bangsa sia la napengkaa’i mintu’ to sangpetayanan; sia iatu inan nanii mari’pi la mala’bi’.

YESAYA 49:9

sia la umpokadanni to dipattang kumua: Tassu’komi sia lako to lan mapi’tukna kumua: Sunkomi lako masiangna! Iatu tau iato mai la dikambi’ dio lu lalan sia mintu’ tanete nanii undaka’ kande.

YESAYA 51:4

PerangiiNa’, e taungKu, sia e kamu to sangpetayanangKu, tananniNa’ talinga. Belanna la sun tu sukaran aluk dio mai Kaleku sia la Kupatulangdan tu katonganangKu butung misa’ arrang lako mintu’ bangsa.

LUKAS 2:31

tu Miparandanan angganna tolino.