LUKAS 2:20 - Sura' Madatu

²⁰ Sangsulean nasangmi tu to manglaa umpakaraya sia umpudi-pudi Puang Matua, belanna mintu’na tu apa mangka narangi sia natiro sipatu tu mangka dipokadanni lako.

LUKAS 2:20 Referans Kwoze

YESAYA 29:19

Attu iato to umpamadiong penaanna la saumpoparannu-rannunna PUANG sia iatu to tarru’ bongko la kumalassi-lasi tu diona To maserona to Israel.

PA’PUDIAN 106:48

Mintu’na kadipangkeran lu lako nasang PUANG, Kapenombanna to Israel, tempon dio mai landa’ lako attu situran, sia sipatu mintu’ bangsa iato, la ma’kada kumua: Amin! Haleluya!

PENGGAURANNA RASULU’ 11:18

Iatonna rangii susito, rapa’mi penaanna tinde tau’ naumpakala’bi’ Puang Matua nakua: Iake susito, Napa’kamasean duka Puang Matua lako to kapere’ tu lalan katobaran lu lako katuoan.

LUKAS 18:43

Ta’pa pakita bang siami naundi urrundu’ Yesu umpakaraya Puang Matua. Iatonna tiromi mintu’ tau tu iannato, umpudi-pudi dukami Puang Matua sola nasang.

MATIUS 9:8

Iatonna tiromi to buda tu iannato, mataku’mi sia umpudi Puang Matua, tu umpa’kamasean kuasa susito lako to lino.

PA’PUDIAN 107:21

Sangapaoi anna pudii tau iato mai tu PUANG belanna kamasokananNa, sia tu belanna mintu’ penggauran kalle-kalleanNa lako ma’rupa tau.

PA’PUDIAN 107:15

Sangapaoi anna pudii tau iato mai tu PUANG belanna kamasokananNa, sia tu belanna mintu’ penggauran kalle-kalleanNa lako ma’rupa tau.

PA’PUDIAN 107:8

Sangapaoi anna pudii tau iato mai tu PUANG belanna kamasokananNa, sia iatu belanna mintu’ penggauran kalle-kalleanNa lako ma’rupa tau!

MARKUS 1:7

Mangada’imi, nakua: Undinna na aku la sae tu mandunna kuasa na aku, moi ulang lapik lentekNa tae’ duka kusipatu la tukku umbukai.