LUKAS 2:19 - Sura' Madatu

¹⁹ Apa iatu Maria nananna inaa nasang bang tu kada iato, natangnga’- tangnga’i.

LUKAS 2:19 Referans Kwoze

LUKAS 2:51

Malemi sule sola, Nasae lako Nazaret, mengkaola bang lako indo’Na sia ambe’Na. Apa iatu indo’Na napalan bang penaanna tu mintu’na kada iato.

LUKAS 1:66

Iatu mintu’nato urrangii tu iannato napalan penaanna, nakua: Ba’tu apa la dadi dio undinna te pia iate? Apa Narande pala’ tongan Puang!

SARAMBU PEADA’ 4:4

naada’imo’ anna ma’kada lako kaleku nakua: Palan penaa tonganni tu mintu’ kadangku, karitutui tu pepasanku, namelo katuoammu.

1 SAMUEL 21:12

Natangnga’-tangnga’mi Daud tu mintu’ kada iate anna lendu’ mataku’na lako Akhis, datu Gat.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

KADADIAN 37:11

Nakemburumi siulu’na, apa iatu ambe’na napalan penaa bang tu iannato.

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

DANIEL 7:28

Rampomo inde te tu kada iato. Iatu aku Daniel, mintu’ tu tangnga’ku umpamagiang tonganna’, naurunganni bali’ tu rupangku; sia mintu’ te kada iate kupalan penaangku.

LUKAS 2:18

Iatu mintu’nato urrangii, nakamangngai nasang tu apa napokada to manglaa lako.