LUKAS 2:12 - Sura' Madatu

¹² Inde sia tu tandana lako kalemi: la ungkabu’tuikomi misa’ Pia diammu’I sambu’, dipamamma’ lan palungan.

LUKAS 2:12 Referans Kwoze

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

YESAYA 7:11

Palakuko misa’ tanda lako PUANG. Kapenombammu, palakui tu tanda diong mai mangapi’na lino, ba’tu lu dao mai masuanggana.

PA’PUDIAN 22:6

Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

2 DATU 20:8

Mekutanami Hizkia lako Yesaya nakua: Apara tandana kumua la Napamondona’ PUANG sia la malena’ langngan banuanNa PUANG, ke allo ma’pentallun?

2 DATU 19:29

Iamote tu tanda lako kalemu: Lan taun iate la mukande tu apa tuo kalena, na taun ma’penduan iatu apa tuo poleo, apa lan taun ma’pentallun la mangambo’komi ammi megandung sia untanan garonto’ anggoro’, ammi kandei tu buanna.

1 SAMUEL 2:34

Iamote tu la dadi tanda lako kalemu, iamotu la urrampoi anakmu sola duai, Hofni na Pinehas: la sangallori mate sola duai.

KATASSURAN 3:12

Ma’kadami tu Puang Matua nakua: Inang la Kurondongko sia iamote tu la dadi misa’ tanda lako kalemu, kumua Aku ussuako: iammu solanni tassu’ tu bangsa iato lan mai Mesir, la menombakomi langngan Puang Matua dao tanete iate.

LUKAS 2:7

Kianakmi, undadian misa’ Pia muane, iamo pa’bunga’na, naammu’Imi sambu’, napamamma’I rokko palungan, belanna tae’mo inan la nanii sola duai lan banua pa’bongian.

LUKAS 2:13

Pakalan denmi budai sangtuntunan lan mai tu mintu’na malaeka’ ma’baanan dao suruga nasolan tinde malaeka’ umpudi-pudi Puang Matua, nakua: