LUKAS 2:11 - Sura' Madatu

¹¹ kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

LUKAS 2:11 Referans Kwoze

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

PENGGAURANNA RASULU’ 2:36

Iamoto la naissan tongan mintu’ to ma’rapu Israel kumua Puang Matuamo umpadadiI Puang sia Kristus tu Yesu, tu mia’ta’.

MATIUS 16:16

Mebalimi Simon Petrus, nakua: Kamumo Kristus, AnakNa Puang Matontongan.

LUKAS 1:43

Matumbara’ na iatu indo’na Puangku sae umpellambi’ina’?

1 YOHANES 5:1

Minda-minda umpatonganni kumua Yesu tu Kristus, tau iato lu dio mai Puang Matua; sia minda-minda tu ungkamasei Puang Matua, tu mangka undadian pole’i, iamo umpakaboro’ to lu dio mai Kalena.

FILIPI 2:11

sia mintu’ puduk mangaku, kumua Yesu Kristus tu Puang, la napomala’bi’ Puang Matua, Iamotu Ambe’.

YOHANES 4:42

Nakuami tu tau lako tinde baine: Totemo ma’patonganmokan tangia kumua diona manna kadammu, sangadinna kirangi kalenamo sia kiissan kumua iate Tau iate tonganna to Pakarimmananna te lino.

LUKAS 2:4

Male dukami tu Yusuf dio mai Galilea, lan mai tondok Nazaret, lako tondok Yudea, tondokna Daud, disanga Betlehem, belanna bati’na sia tarukna Daud,

MATIUS 1:16

na Yakub undadian Yusuf, muanena Maria; iamotu Maria undadian Yesu, tu digente’ Kristus.

1 KORINTUS 15:47

Iatu bunga’na tau, lu dio mai lino, iamo a’gan litak, na iatu tolino ma’penduan lu dao mai suruga.

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

YOHANES 20:31

apa iate iannate mangkamo disura’, ammi katappa’i kumua iatu Yesu Iamo Mesias, tu AnakNa Puang Matua, sia kumua diona kapatonganammi mipotuoi tu sanganNa.

1 YOHANES 4:14

Sia kami te untiromi angki katottongi, kumua mangkamo Nasua Ambe’ tu Anak mendadi To pakarimmananna te lino.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

PENGGAURANNA RASULU’ 17:3

napokadan sia napamanassan kumua tae’ nasalai tang umperasai kamaparrisan tu Kristus sia malimbangun dio mai to’ to mate, nakua: Iatu Yesu kupa’peissanan lako kalemi Iamo Kristus.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

YOHANES 6:69

Kami te kipatonganmo sia kikanassamo kumua Kamumo tu To Sallo’ lu dio mai Puang Matua.

YOHANES 1:41

Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

MATIUS 16:20

Napakare’nami tu anak gurunNa, da napokadai lako misa’ duka tau, kumua Iamo Kristus.

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

KOLOSE 2:6

Tu belanna mitarimamo tu Kristus Yesu, tu Puang, lolangmokomi lan kasiturusanNa,

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

YOHANES 11:27

Nakuami Marta mebali lako: O Puang, aku te kupatongan kumua Kamumo tu Mesias, AnakNa Puang Matua, tu sipatu sae tama te lino.

YOHANES 7:41

Sia nakua tu to senga’: Iamo te tu Mesias. Den pole’o tu senga’na kumua: Ma’apai nala bu’tu dio mai Galilea tu Mesias?

LUKAS 2:26

Mangkamo napokada Penaa Masallo’Na Puang Matua lako kalena, kumua tae’pa nala sitiro kamatean, ke tae’pi natiroi tu Kristus dolo.

LUKAS 1:69

Sia Napabendanammiki’ tanda kamarendengan lan banuanna Daud, taunna,

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

YOHANES 4:25

Nakuami tinde baine lako: Kuissan sia kumua la sae tu Mesias, tu disanga Kristus; ianNa sae, la Napa’peissanan lako kaleki tu mintu’nato.

PENGGAURANNA RASULU’ 13:23

Iamotu tarukna Daud, Nanii Puang Matua umpabu’tuanni to Israel tu To pakarimmanan, susitu Naallu’, Iamotu Yesu.