LUKAS 2:1 - Sura' Madatu

¹ Den pissan tonna iato, sunmi parenta dio mai datu Agustus mesua ussura’ sanganna mintu’ tau lan parentana.

LUKAS 2:1 Referans Kwoze

LUKAS 3:1

Iatonna ma’taun sangpulo limamo tu kadatuanna datu kapua Tiberius tonna Pontius Pilatus to maraa dio Yudea, na Herodes datu dio Galilea, na Filipus siulu’na, datu dio Iturea sia lan parenta Trakhonitis, na Lisanias datu dio Abilene;

MATIUS 24:14

Iatu Kareba kaparannuan diona ParentaNa Puang Matua la dipa’peissanan lan mintu’ lili’na te lino la mendadi tanda sa’binna lako mintu’ bangsa; undinnato, maneri sae tu katappuranna.

PENGGAURANNA RASULU’ 25:21

Apa belanna napa’petimbangan Paulus napalakumi la dipatadang bangpa sae lako nara’ta’na datu kapua to Kabarre-alloan, kupesuammi umpatadangi, sae lako kupesuanna ussolanni lako datu kapua.

FILIPI 4:22

Salama’na mintu’ to masallo’ mati’ kalemi, ma’ondonganna dio mai to lan tongkonan layukna datu kapua.

ROMA 1:8

Tipamulanna ma’kurre sumanga’na’ langngan Kapenombangku diona kamu tete dio Yesu Kristus, belanna kaleleammo tu kapatonganammi lan mintu’ lino.

PENGGAURANNA RASULU’ 11:28

Bendanmi misa’ tu disanganna Agabus, anna pa’peissananni belanna pa’patudu-tudunNa Penaa, kumua la sae karorian pannang lan mintu’ lili’na lino. Dadimi tu iannato tonna linona Klaudius.

PENGGAURANNA RASULU’ 25:11

Iake kasalanna’ sia umpogau’ sipato’na la dinii umpateina’, tae’ kukanokai tu la mate; apa iake tae’i natonganna tu naparapasanna’ tau, tae’ tau misa’ la umpa’kamasean bangna’ lako tu mati’ tau. La kupa’petimbangampa lako datu kapua!

MARKUS 16:15

Nakuami ungkuanni tinde tau: Malemokomi lako mintu’na lino, mipa’peissananni tu Kareba-kaparannuan lako angganna issinna lino.

MARKUS 14:9

Tonganna Kukua lako kalemi; umba-umba nanii lan te lino dinii umpa’peissanan Kareba kaparannuan, dio duka dinii unnannanni batu silambi’ tu penggauranna te baine.

MATIUS 22:17

Iamoto pokadangkanni, umbara Misanga? Sipaturaka disorong tu sima lako datu kapua, tae’raka?

LUKAS 2:3

Dadi mintu’na tau pantan male umpeloloi tongkonanna, la disura’ sanganna.

LUKAS 2:5

kumua nadisura’ sanganna sola Maria, sikampana, tu mabanda’mo ma’tambuk.

ESTER 10:1

Napakannaimi sima datu Ahasweros tu tondok menggantananna sia iatu tondok ma’biring tasik.